الثلاثاء، 12 يناير 2021 - 09:18 م

طالب فى جامعة كولومبيا يشعر بالمرض.. نام فى محاضرة رياضيات غصب عنه وصحى على صوت الطلبة لما المحاضرة خلصت..

وجد الدكتور كاتب على السبورة مسألتين..

قال هذه أكيد مسائل الواجب.. ونقلهم فى كشكوله حتى يحلهم..

لما وصل لمنزله حاول أن يحلهم.. لكن كانت المسائل صعبة جدااا..

حاول ويحاول وذهب للمكتبة وأحضر مراجع.. ويبحث حتى قام بالعاااافية يحل مسألة واحدة منهم بس..

فى المحاضرة اللى بعدها لم يسأل الدكتور على الواجب

فقام وسأله: يا دكتور حضرتك ما سألتش على مسألتين الواجب بتوع المحاضرة اللى فاتت اللى كتبتهم على السبورة فى آخر المحاضرة.

الدكتور قاله: واجب!!.. "دول ما كانوش" واجب.. دا أنا كنت بضربلكم أمثلة على المسائل الرياضية اللى عجز العلم عن حلها.

اندهش الطالب وقاله: بس أنا حليت واحدة منهم

واتسجل حل المسألة فى جامعة كولومبيا واتعرفت باسمه لحد اليوم.

هذا الطالب حل المسألة لسبب واحد.. إنه ما سمعش الدكتور وهو بيقول "مفيش حد عرف يحلها"..

أقنع نفسه أنها لازم تتحل.. فلما جرب طلع بيعرف. لا تسمح لأحد يقولك مش هتقدر. انت تقدر تعمل كل حاجة مهما كانت الصعوبات.

دروس من الحياة:

يتعلم الإنسان دروس الحياة من خلال التجربة بغض النظر عن نوع التعليم الذى يتلقاه، ويتحتم على الفرد فى مراحل من حياته مواجهة كل مخاوفه والسيطرة على التفكير بها، مثل فقدان أى شيء أو فقدان الوظيفة أو غيرها، وبالطبع فإنه لا يستطيع الهروب من هذه المخاوف لذلك يتوجب عليه مواجهتها ومعرفة كيفية التعامل معها.

مقال فى جملة:

علمتنى الحياة ان لا أعاشر خائناً، وأن لا أسأل الكاذب لماذا كذب، ولا أخسر من أخلص لى، وأن لا أحزن على من خرج من حياتى بيده، وأن لا أعاتب أحداً على قلة الاهتمام، وأن أجعل بينى وبين من حولى حاجزاً من الاحترام.. وأن أعيش بقلب طفل متسامح، وأن أعيش بعقول العظماء.