الثلاثاء، 17 أغسطس 2021 - 09:39 م

تحدث الفنان سامح حسين عن ذكرياته مع نتيجة الثانوية العامة.

ونشر سامح حسين فيديو عبر حسابه على "إنستجرام"، قال فيه: "مفيش بيت في مصر ما فهوش ثانوية عامة أو البيت اللي جنبه، وحتى لو مفيش في البيت ده أو اللي جنبه فهي حالة توتر عامة كل سنة في الميعاد ده حالة توتر عامة".

وأضاف: "أنا صاحي من النوم النهاردة متوتر بصراحة، كل حاجة الثانوية العامة، اتوترت أكتر من أيام الثانوية العامة بتاعتي، أنا أيام النتيجة بتاعتي كنت قاعد بصطاد سمك عادي جدا وكان حلم حياتي أدخل هندسة وربنا ما وفقنيش، عيطت شوية وخلاص رحت كلت حواوشي على طول، اللي فاته حلم يدور على الحلم اللي بعديه ويعافر".

وأردف: "ما حدش ليه دعوة يا جماعة بمجموع ابن خالته ولا مجموع بنت خالته.. وعايز أقول حاجتين لا ينتهوا، الأحلام والحواوشي، وألف مبروك للي نجحوا وهارد لاك للي ربنا لم يوفقه دوروا على حلم تاني وما تيأسوش".

يذكر أن آخر أعمال سامح حسين السينمائية، كان فيلم "عيش حياتك"، الذي عُرِضَ في فبراير 2020، وتدور أحداثه في إطار رومانسي كوميدي، حول "إبراهيم" الذي تتسم شخصيته بالتحفظ والخوف من كل جديد، وكذلك حياته بالروتينية الشديدة.
 

 

 

 

 

View this post on Instagram

 

 

 

 

 

 

 

 

 

 

 

A post shared by Sameh Hussein (@samehhusseinofficial)