الجمعة، 03 سبتمبر 2021 - 12:55 م

طالبت الإعلامية أسماء مصطفي، مقدمة برنامج هذا الصباح على قناة "إكسترا نيوز"، جمهورها ومتابعيها على صفحتها الرسمية بموقع التواصل الاجتماعي «فيس بوك»، بالدعاء لها بالشفاء ولوالدتها بالصبر والقوة.

وأشارت إلى أن المرض من أصعب الابتلاءات في الحياة أن الأم ترى ابنها أو ابنتها مريض ولا تستطيع مساعدته أو تخفيف آلامه.

وكتبت أسماء: من أصعب الإبتلاءات فى الحياة أن الأم تشوف حتة منها ومن كيانها تعبان وبيتألم قدامها وهى مش قادرة تعمله حاجة، الضنا غالى أنا بدعى لنفسى بالشفا وبدعى لأمى بالصبر وربنا يثبت قلبها.

وأضافت أسماء: «بقول يا رب زى ما رددت سيدنا موسى عليه السلام، لأمه كى تقر عينها ولا تحزن، ردنى لأمى بالصحة والعافية كى تقر عينها ولا تحزن، أنا حاسة بوجعها ووجع كل أم عندها ابتلاء فى حد من أولادها.

وطالبت أسماء جمهورها بالدعاء لأمها ولكل أم بالصبر، حيث قالت ادعو لأمى ولكل أم بالصبر والفرج وفك الكرب.

وأوضحت: «أن صعب عليها تشوفنى كده قدامها صعب قوى، ومش هتكلم عن علاقتنا دلوقتى بس هى أمى وصاحبتى وأختى وبنتى أنا منها وهى مني».

واختتمت كلامها بالدعاء لوالدتها: «يارب فرح قلبها وصبرها».

وكانت الإعلامية أسماء مصطفى، مقدمة برنامج هذا الصباح على قناة "إكسترا نيوز"، أعلنت إصابتها بمرض السرطان وأن هذا سبب اختفائها خلال الفترة الماضية.

وكتبت أسماء مصطفى- عبر صفحتها الشخصية- على "فيسبوك"، "أنا بعتذر طول الفترة اللي فاتت عن الاختفاء وعدم الرد غصب عني الحقيقة بقالي كام شهر مش عارفة أرد أو أكتب أقول إيه لمعظم الناس وده كان علشان أمي وعيلتى لحد ما يستوعبوا القصة وبعد ما عرفت ورضيت خلاص مش فارق معايا خلاص".

وذكرت: "أنا حالي حال ناس غيري كتير بيمروا بمعركة مع المرض اللعين الاسم صعب معلش وأنا منهم بحاول وبكافح وربنا كريم صحيح المشوار لسه طويل والشفا بإيدين ربنا وحده وما علينا غير إننا ناخد بالأسباب ونرضى بقضاء الله ونسأله اللطف فيه مش عايزة حد يزعل أنا بس محتاجة الدعاء لأني مؤمنة انه بيغير القدر".

وتابعت: "أنا قطعت مسافة كويسة في رحلة العلاج الحمد لله ولسه في خطوات تانية ربنا يسهل في انتظار تحديد ميعاد العملية علشان كده عدم ظهوري هيطول.. رجاء تاني محدش يضايق فضلا الدعاء".