الأربعاء، 29 سبتمبر 2021 - 09:04 م

قال الفنان أحمد سعد، إنه كان مهتما بزوجته علياء بسيوني قبل أن يتقدم لخطبتها، موضحًا: "كنت حريص إني أعبر عن حبي بالتصرفات، وحبتها أول ما شفتها وهي مختلفة جدا عني وعن أسلوب حياتي في كل حاجة".

اقرأ أيضا .. أحمد سعد: زوجتي ديكتاتورية في اللبس والذوق

وأضاف "سعد"، خلال حواره مع الإعلامية بسمة وهبة مقدمة برنامج "90 دقيقة"، الذي يعرض عبر شاشة "المحور"، أن زوجته شخص مرتب ومنظم بعكس النمط الذي يتبعه دائما، إذ تسيطر العشوائية عليه، متابعًا: "بتحب أصحابها وبتحب تضيف لكل الناس، ودي أول حاجة كانت بتعملها معايا". 

وتابع: "ذوقها حلو جدا في اللبس، وكل أصحابها بيسألوها عن لبسهم، وهي ديكتاتورية فوق الوصف في اللبس والذوق، واختارت لي كل الحاجات اللي في دولاب".

وحول أكثر ما أثار إعجابها في أحمد سعد، قالت علياء بسيوني: "لذيذ وأنا بتبسط من الناس اللي بيبقى ليها شخصية في القعدة وعنده كاريزما ويدخل في أي حتة نحس بيه، لكنه كان شبههي في إنه مزاجي وبنحب التحديات، كان يظهر ويختفي، فكان الاختفاء بيستفزني". 

وأوضحت: "أول ما عرفته واختفى، قدرت أعرف المكان اللي كان هيغني فيه، فاستعنت بواحدة صحبتي بتحبه"، ليرد عليها قائلًا: "كنت بغني وببص على الناس ولاقتها قدامي، وأنا بحب الحاجات المفاجآت". 

وواصلت زوجته: "لما شافني قررت أمشي، ساب المايك ويقولي أنتي رايحة فين؟! هتروحي بدري ليه؟! وكل ده قدام الناس، وقتها كان بيغني بحبك يا صاحبي، فاتبسطت أنا".