السبت، 05 مارس 2022 - 08:31 م

قال الموسيقار حلمي بكر، إن الفنان أحمد مكي أحسن واحد يغني راب. وأضاف حلمي بكر خلال استضافته في برنامج "كلام الناس" الذي تقدمه الإعلامية ياسمين عز عبر قناة MBC مصر: "أحسن واحد في الراب أحمد مكي، وويجز على عيني وراسي والراب هو فن الإلقاء على الإيقاع".

وتابع: "أسلوب الراي في الغناء شقيق الراب، والكلمة معناها الرأي، وأصل هذا النوع مع الغناء جبال وهران في الجزائر".

وذكر: "لست ضد مطربي المهرجانات الشعبية بالكامل، ولكن هناك جزء منهم سوف يكون السبب في فناء الكل، وأصبح عالم الغناء متاح لأي شخص واحنا توهنا الناس بدليل الأساتذه اللي غنوا وراحوا واللي طلعوا تأشيرة سياحة وراحوا العمرة وبعدين غنوا".

وتابع: "إحنا بنسمح بما يجري في الحواري أنه ينقل للإعلام وبعد الترنيد هيبقى إيه؟  نفسي أعرف إزاي الإنسان الأمي اللي مش بيقرأ ولا يكتب بيخترع دا وبيضحك على الناس مع أننا شعب مثقف وفاهم؟، هو أي حد بيغني وخلاص ويقولك مهرجانات شعبية؟، دي جملة غير علمية، وأتحدى واحد من اللي بيرقصوا يقولي بيقول إيه المهرجان".