السبت، 02 أبريل 2022 - 05:33 ص

بدء شهر رمضان الكريم الذى ترفع فيه الأعمال الى الله وتعتق فيه الرقاب ويستعد المصريون فيه للشهر المبارك بالعديد من التحضيرات، وأولها الطعام فتبدأ ربات البيوت بتحضير مؤن رمضان من بين عدد كبير من الأطعمة، ولكن أكثر وجبة شعبية في مصر بعد الفول تظل طريدة وغير موجودة طوال شهر رمضان "الكشرى".

ويبقى السؤال لماذا لا تفتح محلات الكشري في رمضان؟.

اقرأ أيضا | أول ليلة رمضانية | الاختيار 3 يتصدر التريند.. ومغردون « الرجالة اللي شالت مصر»

حيث دشن عدد كبير من المصريين ورواد "السوشيال ميديا"  بعد مشاهدة البرومو هاشتاج  «#محلات_الكشرى »، وتصدر الهاشتاج قائمة الأكثر تداولا على تويتر.

تستعرض بوابة أخبار اليوم أبرز التغريدات :

كتب إسلام :« إجازة محلات الكشري »، وكتب فريد: « أنا مش فاهم والله هما ليه بيقفلوا محلات الكشرٍي ف رمضان »، وكتب عادل:« بقا عندى 19 سنة وهموت وأعرف لي محلات الكشرى بتقفل فى رمضان».

 وكتب ياسين :« بتهيألي علي حسب ما فهمت أول أسبوعين رمضان أو رمضان كله تقريبا محلات الكشري بتقفل» ، وكتب رجب :«محلات الكشري اتشمعتتتتتتتتتتتتت خلاص قضي الأمر»، وكتب هانى :«غالبا الكشري حرام في رمضان دا حته محلات الكشري بتقفل في رمضان» ، وكتب يوسف: «حد يفهمني محلات الكشري بتقفل في رمضان ليه» .

 وكتبت سلوى :«الإقبال على محلات الكشري تاريخي النهاردة.. الناس قاعدة في المحل مش عاوزة تقوم تمشي عشان مايقفلش» ، وكتبت منال :« محتاجين نقعد قعدة عرب ونفهم ليه محلات الكشري بتقفل في رمضان»، وكتبت سناء :«لسه واخد بالي إن محلات الكشري هتقفل»، وكتبت إسراء :«كانت صدمة حياتي السنه الي فاتت لما عرفت إن محلات الكشري بتقفل في رمضان» .

وكتبت هناء :« يعني إيه محلات الكشري قافلة من انهاردا بجد! » ، وكتبت نيرمين :«نفسي أعرف إيه السر في إن محلات الكشري بتقفل في رمضان؟» ، وكتبت فوزية :« أهم حاجة الحق أكل كشري قبل ما محلات الكشري كلها تأجز عشان لو ملحقتش هزعل» ، وكتبت نسرين :«مع بداية رمضان فى ظاهرة بتحيرنى ومش لاقى لها تفسير ليه محلات الكشرى بتقفل فى رمضان؟» ، وكتبت وفاء :« محلات الكشرى سلام مؤقت».

وكتب على :«ممكن نفهم محلات الكشري أنهم لازم ميقفلوش في رمضان عشان إحنا صايمين وهيكسبو فلوس برضه عادي»، وكتب جوده :« محلات الكشري قفلت، بس كان فيه محل بيفتح في رمضان عند السبع عمارات، مش عارف موجود ولا اتقفل» .

وعبر صاحب أحد محلات الكشرى:« إن الطلب على طبق الكشرى خلال شهر رمضان الكريم لا يكون كبيرًا لذلك تكون تكلفة المحل زائدة عن الحد، حيث يتم استهلاك إنارة وخامات كثيرة لتصنيع طبق الكشرى، مما تفضل محلات الكشرى أخذ إجازة سنوية خلال الشهر الكريم، لكى يقضوا الوقت مع أبنائهم خلال تلك الفترة».