الخميس، 07 أبريل 2022 - 04:23 م

قال الفنان أحمد فتحي: "نقطة البداية بتاعتي لما خدت قرار التمثيل، بنزيني في رحلتي هو إيماني بربنا وبنفسي، وكنت محتاج زقة في الأول بس للأسف مالقيتش حد يزقني فقررت أزق نفسي".

جاء ذلك خلال لقاءه في برنامج "ع اللوكيشن" الذي يذاع على راديو "هيتس" والبرنامج من تقديم شريف الليثي. 

وأضاف: "أول مرة ليا في شارع الفن سنة ١٩٩٧ في المسرح القومي كان عرض الشيطان يعظ، وأول نقلة كبيرة في حياتي كان فيلم بنات العم، ولو لقيت الطريق مسدود قدامي هدور على طريق تاني". 

وتابع: "بحب السفر جدا وبسافر دايما مع مراتي سهل حشيش في الغردقة، أما فيلم كابتن مصر كان نقلة مهمة جدا بالنسبة لي". 

واستطرد: "أكتر الناس اللي وقفوا معي في مشواري مراتي وأبويا هما اللي كانوا معايا من بداية الرحلة، وهوقف الطريق علشان اتصور مع الزعيم طبعا، وعاوز أمثل دايما وأعمل أدوار أكتر صدق وأكتر انسانية، وسبب نجاحي توفيق من ربنا وجهد اتبذل وست وقفت جنبي طول عمرها". 
 

واختتم  قائلا: "أكتر فيلم بحبه في العموم هو فيلم الرصاصة لا تزال في جيبي، وأقرب صاحب ليا علي كمال هو ممثل بس للأسف مش مشهور، أسعد وقت في حياتي لما بنجح طبعا، أكتر كلمة بقولها أنا آسف وبقولها لمراتي طبعا، المبدأ اللي ماشي عليه في الحياة هو أصرف ما في الجيب يأتيك ما في الغيب".

اقرأ أيضا | أحمد فتحى: هدفى رسم الإبتسامة على وجوه المشاهدي