الأحد، 10 أبريل 2022 - 11:12 م

عرضت الحلقة التاسعة من مسلسل الاختيار 3، لتسريب جديد من لقاء المعزول محمد مرسي وخيرت الشاطر نائب المرشد العام للإخوان المسلمين وهم يتحدثون عن الدكتور البرادعي، حيث أكد خيرت الشاطر أن البرادعي كان يبحث عن التعاطف معه مستخدماً الطريقة الأمريكاني.

وظهر المعزول في التسريب وهو يقول: "قالوا البرادعي .. البرادعي زعلان من موضوع.. كان هيموت على رئاسة الوزرا.. هيموت.. يعني حضرتك فاكر اتصل بينا مرتين في نفس اليوم.. يا عم مش إحنا اللي واقفين.. قال خلاص لو مش أنتم اللي واقفين قولوا ليس لدينا مانع.. هي رئاسة الوزرا مهمة للدرجة دي.. حاجة غريبة جداً".

ورد عليه الشاطر قائلاً: "آه بس دي اديتله رسالة إن الإخوان مش هيدوله في انتخابات الرئاسة وهو كان بيراهن على غير كده". ليرد المعزول: " أيوة بس عمرنا ما قلناله هنديلك"، ورد الشاطر: "هيبقى دلوقت إذا كان التصويت كتلته 60 – 70% ماشية في اتجاه الإسلاميين هيبقى هو فرص نجاحه ضعيفة أو مش موجودة.. فقرر الانسحاب بشرط.. ونوع من الضغط بقى جايز يعني الناس بتحب الضحية.. جايز حد يتعاطف معاه. جايز أي حاجة الطريقة الأمريكاني يعني".