الجمعة، 15 أبريل 2022 - 01:11 م

أول‭ ‬سنة‭ ‬يعدي‭ ‬10‭ ‬أيام‭ ‬من‭ ‬شهر‭ ‬رمضان‭ ‬من‭ ‬غير‭ ‬ما‭ ‬أتفرج‭ ‬على‭ ‬أي‭ ‬مسلسل‭.. ‬اللهم‭ ‬إلا‭ ‬4‭ ‬حلقات‭ ‬بس‭ ‬من‭ ‬مسلسل‭ ‬“الإختيار‭ ‬3”‭.. ‬صحيح‭ ‬إن‭ ‬قرار‭ ‬عدم‭ ‬الفرجة‭ ‬كان‭ ‬إجباري‭ ‬مش‭ ‬إختياري،‭ ‬بسبب‭ ‬إنشغالي‭ ‬أنا‭ ‬وجوزي‭ ‬ببعض‭ ‬التعديلات‭ ‬في‭ ‬بيتنا،‭ ‬وشوية‭ ‬تفاصيل‭ ‬تانية،‭ ‬لكن‭ ‬إتضح‭ ‬فعلا‭ ‬إن‭ ‬عادي‭ ‬إن‭ ‬الواحد‭ ‬يعدي‭ ‬يومه‭ ‬من‭ ‬غير‭ ‬مسلسلات‭ ‬أو‭ ‬برامج‭ ‬أو‭ ‬حتى‭ ‬إنه‭ ‬يفتح‭ ‬التليفزيون‭.. ‬ده‭ ‬بجد‭ ‬اللي‭ ‬يتقال‭ ‬عليه‭ ‬“رمضان‭ ‬الذي‭ ‬لا‭ ‬أعرفه”‭..‬‮ ‬

كنت‭ ‬زمان‭ ‬بستغرب‭ ‬لما‭ ‬حد‭ ‬يقول‭ ‬إنه‭ ‬مقاطع‭ ‬دراما‭ ‬الموسم‭ ‬الرمضاني‭.. ‬اللي‭ ‬هو‭ ‬إزاي‭ ‬ياجماعة،‭ ‬ده‭ ‬أنا‭ ‬كنت‭ ‬بقعد‭ ‬أجهز‭ ‬قبل‭ ‬رمضان‭ ‬بأسبوع‭ ‬حاتفرج‭ ‬على‭ ‬إيه‭ ‬والساعة‭ ‬كام،‭ ‬وكنت‭ ‬بعمل‭ ‬جدول‭ ‬مكتوب‭ ‬عشان‭ ‬مايكونش‭ ‬في‭ ‬أي‭ ‬إحتمال‭ ‬أن‭ ‬أي‭ ‬برنامج‭ ‬أو‭ ‬مسلسل‭ ‬من‭ ‬اللي‭ ‬مخططة‭ ‬إني‭ ‬أتفرج‭ ‬عليه‭ ‬يفوتني‭ ‬لأي‭ ‬سبب‭.. ‬طبعا‭ ‬في‭ ‬الأساس‭ ‬كان‭ ‬بحكم‭ ‬شغلي‭ ‬الصحفي‭ ‬والتحضيرات‭ ‬في‭ ‬“أخبار‭ ‬النجوم”،‭ ‬والحاجة‭ ‬التانية‭ ‬لأني‭ ‬بحب‭ ‬الدراما،‭ ‬وكمان‭ ‬كنت‭ ‬بتفرج‭ ‬من‭ ‬ليلة‭ ‬رمضان‭ ‬من‭ ‬وقت‭ ‬ما‭ ‬المهندس‭ ‬أسامة‭ ‬الشيخ‭ ‬عمل‭ ‬ضربة‭ ‬معلم‭ ‬وعرض‭ ‬أول‭ ‬حلقات‭ ‬المسلسلات‭ ‬في‭ ‬إحدى‭ ‬السنوات‭ ‬على‭ ‬قنوات‭ ‬“النيل”‭ ‬ليلة‭ ‬رمضان،‭ ‬وبكده‭ ‬كسب‭ ‬قاعدة‭ ‬جماهيرية،‭ ‬وأعلى‭ ‬نسب‭ ‬مشاهدة‭ ‬في‭ ‬تاريخ‭ ‬التليفزيون‭ ‬المصري‭.. ‬وكانت‭ ‬حركة‭ ‬ماتتنسيش‭ ‬بجد‭.‬

المهم‭ ‬أن‭ ‬بعد‭ ‬كام‭ ‬يوم‭ ‬كده‭ ‬من‭ ‬غير‭ ‬فرجة‭ ‬على‭ ‬أي‭ ‬حاجة،‭ ‬اكتشفت‭ ‬أن‭ ‬اليوم‭ ‬بقى‭ ‬فيه‭ ‬بركة،‭ ‬وبقيت‭ ‬ألاقي‭ ‬وقت‭ ‬إني‭ ‬أعمل‭ ‬حاجات‭ ‬تانية‭ ‬كتير‭ ‬وأنجزها‭.‬

الفكرة‭ ‬إنك‭ ‬ماتربطش‭ ‬نفسك‭ ‬بحاجة‭ ‬لمجرد‭ ‬إنك‭ ‬متعود‭ ‬عليها‭ ‬وتخليها‭ ‬تاكل‭ ‬من‭ ‬وقتك‭ ‬ونفسيتك،‭ ‬خصوصا‭ ‬لو‭ ‬حاجة‭ ‬ماتخصكش‭ ‬بشكل‭ ‬شخصي‭ ‬أو‭ ‬تمس‭ ‬حياتك‭ ‬كبني‭ ‬آدم‭.‬

إتعلم‭ ‬“الإستغناء”‭.. ‬إنك‭ ‬ببساطة‭ ‬تقنع‭ ‬نفسك‭ ‬إن‭ ‬أي‭ ‬حاجة‭ ‬في‭ ‬الدنيا‭ ‬ممكن‭ ‬تتعوض‭ ‬إلا‭ ‬نفسك‭ ‬وعلاقتك‭ ‬بالدايرة‭ ‬القريبة‭ ‬منك‭.. ‬ركز‭ ‬على‭ ‬إيه‭ ‬ممكن‭ ‬يفيدك‭ ‬في‭ ‬حياتك‭ ‬وتكوين‭ ‬شخصيتك‭.. ‬أوقات‭ ‬حاتلاقي‭ ‬حاجات‭ ‬كتير‭ ‬بتحبها‭ ‬وعايز‭ ‬تعملها‭.. ‬وده‭ ‬بيحتاج‭ ‬إنك‭ ‬تحدد‭ ‬أولوياتك‭ ‬وتبدأ‭ ‬تدرب‭ ‬نفسك‭ ‬على‭ ‬الرضا‭ ‬وإنك‭ ‬تتأقلم‭ ‬على‭ ‬الوضع‭ ‬الأنسب‭ ‬والأفضل‭ ‬ليك‭ ‬حتى‭ ‬ولو‭ ‬ماكنش‭ ‬الأحب‭ ‬ليك‭.. ‬أصل‭ ‬إحنا‭ ‬جايين‭ ‬الدنيا‭ ‬دي‭ ‬نعبد‭ ‬ربنا‭ ‬ونعمر‭ ‬الأرض‭ ‬وخلال‭ ‬الرحلة‭ ‬دي‭ ‬محتاجين‭ ‬نهذب‭ ‬نفسنا‭ ‬ونتحكم‭ ‬في‭ ‬رغباتنا‭ ‬ونرتقي‭ ‬في‭ ‬تعاملاتنا‭ ‬ونسيب‭ ‬أثر‭ ‬طيب‭ ‬بين‭ ‬الناس‭ ‬اللي‭ ‬تعرفنا‭.‬