الإثنين، 20 يونيو 2022 - 12:42 م

تعتقد الفنانة داليا إبراهيم أن مشاركة الزوجة زوجها في مصاريف الحياة أمر مقبول، لكن تخلي الزوج عن مسؤولياته تماما بدون سبب سلوك يقلل من قيمته.

وقالت داليا إبراهيم في حوارها مع الإعلامية ياسمين عز ببرنامج "كلام الناس" المذاع عبر قناة MBC مصر: "الزوجة لما تصرف على زوجها بايخة شوية بالنسبة للست، وتقلل من قيمة الرجل بشكل غير مباشر".

وأضافت داليا: "ممكن تساعده، ومش ضروري يكون دخله معادل لدخلها، ولكن إيه يمنعه يشتغل إلا لو في سبب".

وردا على سؤال هل تقبلين الزواج من رجل يصغرك في العمر؟ قالت: "عادي أتجوز واحد أصغر مني، فرق السن مش مشكلة إلا لو هو غير واعي وكبير كفاية".

وأضافت داليا: "في ناس أصغر مني ودماغهم حلوة وأحسن، لحد 10 سنين ممكن، بعد كده آخده أربيه".