الأربعاء، 07 سبتمبر 2022 - 06:40 م

تصدرت الإعلامية بسمة وهبة، في الساعات الماضية، مؤشر البحث على موقع الشهير جوجل"، وذلك بعد تعرضها لوعكة صحية شديدة.

حيث نشرت بسمة وهبة، مقطع فيديو لها، عبر حسابها الرسمي، على موقع التواصل الاجتماعي «إنستجرام»، أثناء خضوعها لعملية جراحية.

ظهرت بسمة، خلال الفيديو تحت تأثير البنج قائلة: «الواحد بيبقى عامل زى الخروف، خروف داخل يدبح والله، يا رب يا كريم، يا رب يرحمك يا وفاء».

وعلقت «وهبة»، على الفيديو كاتبة: «واحدة معرفة اتصلت بيا فمردتش عليها راحت بعتالى رسالة بتعاتبني فقلت لها معلش مش قادرة أتكلم لما أقدر حكلمك، راحت ردت عليه قالت لى آه مانتى مشغولة صحيح كل يوم في بلد وبتتفسحي، فعاوزه أقولها هى واللي زيها، إن أي صورة على السوشيال ميديا حلوة، وراها أوقات وحشة وأى صورة فيها سعادة، ورآها أوقات تعاسة وألم، صحيح ممكن أكون مسافرة بس بعمل عملية، ممكن أكون مسافرة وفى عملية وفى البنج وحزينة».

تابعت: لأن صاحبتى ماتت قبلها بيومين حتى وأنا في البنج وتعبانة حزينة عليها وبدعيلها، وممكن أكون مسافرة أتعالج مش أتفسح، بس بما إني مسافرة لو ماعندكيش مانع أخرج قبل العملية وأتمشى في الشارع بعد العملية لو ما يضايقك إيش يعنى، أحب أقولك أنت واللي زيك ربنا ما يحكم عليكي يا بنتى باللي في الواحد، وإحمدى ربنا إنك مش مضطرة تسافرى عشان تلاقى حل لمرض نادر، من فضلكم إرحمونا وسيبونا في حالنا وبلاش حسد، أنا صاحبتى وفاء ماتت من الحسد».

ويبدو أن بسمة وهبة، تعاني هذه الفترة من حسد شديد من عدد من متابعينها أو أصدقائها، وانهالت عليها التعليقات من جمهورها ومحبيها متمنين لها الشفاء العاجل.

أقرأ ايضا | بعد تصدرها التريند.. تعرف على العمر الحقيقي لـ ميرفت أمين