الأحد، 25 سبتمبر 2022 - 01:20 م

تحل اليوم  الأحد 25 سبتمبر، ذكرى وفاة الفنان الراحل خالد صالح الملقب بـ " سلطان الفن"، الذي ولد في 23 يناير من عام 1964، ورحل عن دنيانا في عام 2014، عن عمر يناهز 50 عامًا.

اقرأ أيضا قوى مصر الناعمة.. ذكرى وفاة سلطان الفن «خالد صالح»

وصرح الفنان خالد صالح:"أن قرار إن الواحد يكون ممثل؛ صعب جدًا، وله توابع كثيرة، أنا مُخلص للتمثيل، ومستعد أضحي عشان الصناعة،، الناس هي اللي عملتني، ولو مش راضيين عليا؛ والله لو أنا مين، ولا هعمل حاجة.

 وتابع:" خضعت لعلمية قلب مفتوح وأنا عندي 35 سنة، ومغير شرايين، عمري ما عيشت الحياة بسيكولوجية المريض؛ لأن سكيولوجية المريض بتخليه غير مُنجز، أنا بحاول وربنا خلقني ".عشان أحاول، اتجوزت في السنة اللي اشتغلت فيها محامي، واتجوزت على مرتبة بس، لمدة سنة، عمري مش بـ إيدي، ولا اللي جاي بـ إيدي، اللي بـ إيدي هو اللي أنا بعمله، أنا خدام أي حد يقولي أي حاجة في أي وقت أنا أقدر أعملها، دي مُتعتي، حتى لو هنزل الشارع أنا وأولادي نكنس".

 واختتم:"أحلى شخصية جسدتها؛ كانت في عمارة يعقوبيان، وكان أصغر دور في حياتي، تبرعت بـ 100 ألف جنيه؛ لإقامة مهرجان الأقصر، رسالتي إلى شباب مصر: خدوا مننا الخبرة، ما ترفضوهاش، وما تبقوش مُنفلتين في الحرية، المواطن المصري هو الوحيد اللي يقدر يعيش ويتحرك في متر × متر، بيصعب عليا إني أشوف جُندي رثّ المنظر، ويجب أن تكون له مهابة واحتراما، متأكد إن المواطن المصري لو جاله حاكم عادل ومحترم هيخلينا كلنا سعداء.