الثلاثاء، 11 أكتوبر 2022 - 11:22 م

هنأ حمو بيكا، مطرب المهرجانات، الفنان مصطفى كامل بفوزه بمقعد نقيب المهن الموسيقية.

وقال بيكا، خلال اتصال هاتفي ببرنامج "يحدث في مصر" المذاع عبر فضائية "إم بي سي مصر"، مساء الثلاثاء، «أنا بهنيه وربنا ينصره وكله خير والحمد لله أنه نجح».

وأكد أنه سيقدم للالتحاق بنقابة المهن الموسيقية مرة أخرى، مضيفاً: «طول حياتي بجرب حظي، وهجرب حظي تاني، إحنا عايزين حد يقولنا على الطريق الصح.. وإحنا هنمشي وراه».

وفي وقت سابق قال حمو بيكا في تعليق على منشور مبادرة الصلح الخاص بالفنان محمد نور: شكراً لأخويا النجم محمد نور اللي أنت شايفه أنا هعمله، أنا عاوز أكل عيش في بلدي عشان أنا بحب جمهوري، واللي حضرتك شايفه أنا معاك فيه، وعفا الله عما سلف وطبعا أي حد على دماغي ودي مبادرة كويسة منك شكرا لدعمك ليا، وأنا أخوهم الصغير.

وقدم الفنان محمد نور، رسالة اعتذر خلالها لنقابة المهن الموسيقية، نيابة عن مؤدي المهرجانات الموقوف حمو بيكا، وذلك بعد اتهام الأخير للنقابة بالرشوة.

وقال نور، في مقطع فيديو عبر حسابه الرسمي بموقع الصور والفيديو «إنستجرام»: «لكل أعضاء نقابة المهن الموسيقية أخوتنا الكبار، اللي طول عمرهم معانا في كل كبيرة وصغيرة، بعتذرلكم بالنيابة عن حمو بيكا، هو أكيد مكنش يقصد، الإنسان وقت الغضب مش بيعرف يقول إيه».

وأضاف: «هو بس عاوز يشتغل، ودي كلمة أثرت فيا طبعًا، ولكن ده ميديلوش أي حق إنه يغلط في أي حد من أساتذتنا الكبار، هو هيعتذر وعشان خاطري أنا تقبلو اعتذاره، أنا هجيبو وأجيلكم ونخلص الموضوع».

وتابع: «أتمنى تقرأ الكلام ده وتعتذر، وهما مفيش أطيب منهم، والموضوع يخلص أنا بس تدخلت عشان عارف أنك طيب وفي حالك، وعندك جمهور بيحبك، وهما محترمين فوق الوصف، أهل وعيلة حقيقي مش نقابة، وعفا الله عما سلف».

وأختتم حديثه: «شكرًا وأتمنى من الجميع محدش يغلط أو كده من الكومنتات، أنا فقط مقدرتش أسمع حد بيقول نفسي أشتغل وأنا محاولش أساعد، شكرًا للجميع طولت عليكو شكرًا لأستاذ أحمد رمضان والمايسترو الأستاذ حماده أبواليزيد، وأنا متأكد أنكم هتتعاونو معايا، وده مش جديد عليكو».

اقرأ أيضاً .. محمد نور يعتذر لـ"الموسيقيين" نيابة عن حمو بيكا: هنجيلكم ونخلص الموضوع