الجمعة، 04 نوفمبر 2022 - 11:19 ص

حلت الفنانة أمل رزق، ضيفة علي برنامج «كلام الناس» التي تُقدمه الإعلامية ياسمين عز، وتحدثت عن مشوارها الفني، بجانب الحديث عن تفاصيل حياتها الشخصية وزواجها للمرة الثانية.

ونستعرض لكم في السطور التالية أبرز تصريحات أمل رزق .

 - لما اتجوزت المنتج إسماعيل كتكت، كنت بسمع الناس في الأوضة اللي جنبي في البلاتوه، بيقولوا عيلة صغيرة وضحكت عليه.

 - كنت عايزة أمثل وكل عيلتي دكاترة، وأقنعتهم إن هقدم في معهد السينما وبعدين هدخل كلية الآداب قسم علم نفس.

 - كان متقدملي عريس مسافر أمريكا، ووافقت على الزواج من إسماعيل كتكت، مع إن كان فرق السن بينا كبير.

 - كل اللي كانوا مقربين مني ويوميًا بشوفهم اختفوا وانقرضوا بعد وفاة زوجي إسماعيل كتكت.

 - قررت اتجوز لأن مينفعش أكون لوحدي وأنا عندي 3 بنات، وهو قدر وهو ربنا بعتهولي كل حاجة فيه كويسة وهو إنسان محترم ومن عائلة كبيرة جدًا وبيحب بناتي جدًا، وميتخيرش عن إسماعيل الله يرحمه، وربنا طول عمري عايز يكرمني.

 - في 2013 كان ربنا ابتلاني بصدمات متكررة بعدها اتعميت 6 شهور، ودعيت ربنا في رمضان وقُلت يا رب لو قومت أول حاجة هعملها إني هحج، والدكتور استغرب إني رجعت أشوف تاني.

 - دعيت في الكعبة من قلبي وقلت لو محمد الشرنوبي فيه خير من بنتي يقربه ولو شر يبعده لأن دي بنتي الكبيرة وأول فرحتي وطيبة ونقية، وأنا في الطيارة قالت لي ماما أنا وشرنوبي انفصلنا.