السبت، 24 ديسمبر 2022 - 12:42 م

حل الفنان أشرف زكي، ضيفا على برنامج «حبر سري»، مع الإعلامية أسما إبراهيم، على قناة «القاهرة والناس».

وأعلن أشرف زكي رأيه في العديد من الأمور الهامة وكشف الكثير من الأمور التي تهم الوسط الفني مثل حالة الزعيم عادل إمام الصحية وسر ابتعاد عبلة كامل عن الفن وموقف نقابة المهن الموسيقية حال عودة حلا شيحة للفن وهو ما سترصده «بوابة أخبار اليوم» في الملخص التالي..

اقرأ أيضا - آخرهم ميرهان حسين.. 7 فنانين اشتكوا «الركنة» وأعلنوا الاعتزال لعدم التقدير

- قرار ابتعاد عبلة كامل عن الفن الشخصي وحاولنا نكلمها كتير وهي اللي قررت وردها الدائم اللي فيه الخير يقدمه ربنا، وأنا على تواصل معها واحنا أصدقاء جدا.

- كنا ننوي تكريم عبلة كامل في مهرجان القاهرة الدراما بعد الضغط عليها ولكنها قالت إنها غير مؤهلة حاليا وهي قالتلي "يا أشرف خليني في دورات جاية وأنا مش مؤهلة دلوقتي واحترمنا ده، ولكن هي كويسة جدا".

- عرفت أن لعبلة كامل صديقة حميمة لها من خارج الوسط توفيت وده مدخلها في حالة حزن.

- صحة عادل إمام زي الفل ومفيش حاجة وفي ناس متفردة للشائعات واحنا على تواصل مع أبناءه بشكل مستمر.

- أنا على تواصل مع أبنائه رامي ومحمد إمام وأحيانا التواصل يكون معه شخصيا ومن فترة كان عنده أحد الأصدقاء والزعيم كلمني شخصيا وكويس. 

- معرفش في ابن لسمير صبري ولا لا ودي حاجات اللي يحسمها الوصية والميراث الشرعي، ومحدش جالي وأنا محولتش اعرف لم ابذل مجهود في الموضوع.

- تعلم الكثير من أزمتي الصحية الأخيرة أهمها أن الصحة نعمة من الله سبحانه وتعالى يجب الحفاظ عليها.

- خلال أزمتي الصحية كل اللي كنت بفكر فيه بناتي ومش نفسي وكمان الناس المسئولين مني والإهمال في الصحة مسألة قاسية وشوفت حب الناس الصادقين مش المنافقين.

- تصريح الفنان علاء مرسي عن عدم قدرة النجوم أحمد حلمي ونبيلة عبيد ودرة على التمثيل كان عفويا وأنا قابلت علاء مرسي عقب تصريحه وأخبرني بأنه لم يقصد الإساءة وأن تصريحه كان عفويا. 

- هناك ميثاق شرف أخلاقي يطبق على الممثلين في النقابة ويمنع تجريح الممثلين في بعضهم البعض، مؤكدا تحويله كثيرين للتحقيق بسبب هذه القضايا.

- الممثلين اللي بيطلعوا يجرحوا في بعض في ناس منهم اتحولت للتحقيق وفي ناس أخذت انذار وفي عقوبات أخرى، وعندي كل يوم قضايا ممثلين في نقابة المهن التمثيلية، ولكن اللي يغلط في البلد شطبته ومصر أهم حاجة.

- علاقتي بزوجتي الفنانة روجينا لم تتغير منذ أول يوم زواج وحتى الآن وأنا دائما بنصح أي حد بيتجوز من فنانة إذا لم يقدر ظروف عملها لا يتزوجها لأنك لما تزوجتها عارف طبيعة شغلها.

- كل واحد بيقدر ظروف التاني ودي معادلة النجاح وهي محترمة تفرغي للنقابة وخدمة زملائي وأنا محترم تفرغها لمهنتها وإلا لن تحقق شيء.

- أنا عصبي مع الأغبياء فقط وممكن أقتل الغبي والبليد ولا اتعامل معهم وده اللي بيعصبني ومفيش حاجة تانية تعبني والموضوع ده بيجنني غير كده مفيش عصبية، وخرجت عن شعوري قبل كده وندمت.

- تعبت من عدم التقدير وتوقعوا مني مفاجئة ولكن مش عايز أتكلم عن موقفي من خوض انتخابات النقابة القادمة.

- في موضة بتطلع وتختفي أن في بعض الناس تبث السموم في بعض الناس، وفي ناس بتقول أني بعطي واختار ترشيحات الفنانين في المسلسلات والأعمال وأنا مش مقطع الدنيا شغل وللصبر حدود.

- اتحدى أن مخرج أو منتتج يقول اني بعمل كده وبأتلقي ترشيحات، وفي زملاء بيصدقوا وأنا لا أملك القدرة أن أكلم المنتجين والمخرجين.

- الفنانين بيلجأوا إلى المسرح بره مصر عشان مفيش مسرح في مصر واحنا جاهزين نشتغل في مصر ومش عايزين فلوس.

- مفيش في مصر إلا لمبة أو لمبتين والمسرح مات وكفنه الزمن ولولا محمد صبحي ومقاتلته وتجربة أشرف عبد الباقي لا يوجد شيء.

- سأستشير أهل الفن حال طلب حلا شيحة الحصول على تصريح للعودة التمثيل واحنا عمرنا ما تأخرنا على حد من الفنانين وأنا لا أتاجر بأوجاع الناس.