الإثنين، 16 يناير 2023 - 09:59 م

قال نقيب الفنانين أشرف زكي أن الفنان ياسر جلال من أكثر الفنانين المتبرعين لنقابة المهن التمثيلية.

وأضاف الفنان أشرف زكي خلال تصريحات تلفزيونية، ان التبرعات التي تحدث في النقابة لا نحب الحديث عنها، مضيفا الناس مش عارفة الأدوار اللي بنعملها، وفعل الخير مش محتاج إننا نعلن عنه، عاملين جروبات وبنكفل زملائنا المحتاجين، والمرضى، وزملائنا اللي بيرحلوا وأسرهم، إحنا مبنتأخرش، ولما بعمل نداء بيتم استجابته بعد دقيقة، وكان في زميل توفاه الله عضو في نقابة تانية، وقسمًا بالله زملائنا الفنانين اتحركوا في 5 دقائق، والمبلغ تم تجميعه، وبنعمل ده لأن ده رد الجميل لبلدنا، وفي الآخر إحنا مصريين، وهنطلق مبادرة رد الجميل.

وأشار أشرف زكى أن ياسر جلال أكتر واحد بيساهم وبيتبرع لزملائنا في النقابة وبيحلفني إن محدش يعرف، وبقوله سامحني، ولسه هو باعت من أيام قليلة تبرع محترم جدًا لزملائه المحتاجين في النقابة، وقالي لو قولت ده أقاطعك، وأكتر من مناسبة بلاقي ياسر باعت شيك لحساب النقابة وبيقولي ده أقل حاجة لزملائي في النقابة.

أشرف زكي: سوسن بدر في لبنان.. وشائعة وفاتها «سخيفة» | خاص