الأحد، 22 يناير 2023 - 09:07 م

كشفت الراقصة صفوة تفاصيل طلاقها، مشيرة إلى أنها مرت بـ حالة اكتئاب حادة أدت إلى سقوط شعرها بالكامل.

وقالت صفوة خلال لقائها مع الإعلامية مروة صبري، في برنامج قعدة ستات، المذاع على شاشة القاهرة اليوم: أنا اتطلقت من جوزي 3 مرات ومرتين لأسباب لا داعي لذكرها، وآخر طلقة جالي اكتئاب وشعري وقع وبقيت أركب بواريك لدرجة مفيش شعر أركب فيه بنس الباروكة، منهم فيلم الرغبة ساعتها كنت لابسة باروكة وناس كتبوا إني مش هشتغل تاني وبمر بفترة اكتئاب.

كما سبق وتطرقت صفوة للحديث عن صعوبات مهنة الرقص، قائلة: الرقص مهنة صعبة لأن الراقصة بتشتغل مع أكثر من 40 راجل، ولكني اعتزلته من 14 سنة وبذلت مجهود كبير عشان أثبت نفسي في التمثيل وأمحي لقب راقصة لأن كلمة راقصة المجتمع مش بيقبلها وخاصًة لو مجتمع شرقي، على الرغم من إني كنت بكسب كتير من الرقص.

وأضافت صفوة: الراقصات المحترمات أصبحوا قليلين، منهم بوسي، دنيا، وفيفي عبده ودول فنانات وراقصات محترمات وفوق دماغي، ولكن مع الأسف شغلهم أصبح أقل ومن 10 سنوات ظهر العديد من الراقصات زي صافيناز وكل ما العري زاد كل ما الراقصة بتكبر.

أقرأ أيضاً | في الأسبوع السادس.. «أفاتار» يكسر حاجز ملياري دولار إيرادات