الإثنين، 13 فبراير 2023 - 02:33 م

حكى الرئيس عبد الفتاح السيسي رئيس الجمهورية، موقفًا دعم للشيخ محمد بن زايد رئيس دولة الإمارات العربية المتحدة لمصر، قائلًا: الشيخ محمد بن زايد هيزعل مني بس الكلام ده بقوله للشعب الإماراتي ولأي حد يحب يسمع عن دعم الأشقاء.

وأضاف السيسي خلال القمة العالمية للحكومات بدبي بعد بيان 3-7، الشيخ محمد بن زايد جاء لزيارة مصر، وأول مرة هشوفه، كان ساعتها الناس بتقف في مصر بالطوابير ومفيش بوتوجاز، غاز، بنزين وسولار.

وتابع: أنا بفكر الناس في مصر قبل ما بفكر نفسي، والناس اللي هنا كمان في الإمارات، إن الشيخ محمد بن زايد جه ومعاه وفد وعارف إيه المطلوب، مش أنا اللي قلتله، والله العظيم ما قلتله، بصيت لقيت السفن بتتحول من البحر المتوسط للبحر الأحمر فها البوتجاز والغاز والسولار والبنزين، بفكر نفسي وبفكر اللي عاوز يفتكر، ده كان أول نقطة مضيئة، والشيخ محمد نظم مع الأشقاء الدعم اللي هيتقدم لمصر، ولولاه ما كانت مصر وقفت من تاني.

وفي وقت سابق، شارك الرئيس عبد الفتاح السيسي في المائدة المستديرة للشركات المليارية، وذلك على هامش المشاركة في فعاليات القمة العالمية للحكومات بإمارة دبي، وبحضور مسئولي عدد من كبريات الشركات الناشئة المليارية في تطبيقات التكنولوجيا والذكاء الاصطناعي والتجارة الإلكترونية والإدارة المستدامة للموارد.

اقرأ أيضا | القمة العالمية للحكومات: 176.79% نسبة الدين العام للناتج المحلي للدول العربية