الإثنين، 20 فبراير 2023 - 06:14 ص

كشف الفنان سامح حسين عن تعرضه للنصب، قائلاً: "واحد اسمه أمين نصب عليا، وكنت عايز أخلص أوراق وأنا عندي فوبيا من الأماكن الزحمة وأمين ده طلب منى إنه يخلصلي الأوراق، وأخد فلوس منى ومشي".

وأضاف سامح حسين، خلال حلوله ضيفا ببرنامج "واحد من الناس" مع الإعلامي عمرو الليثي: عملت قبل كده في النقاشة وكنا بنعمل عمارة من الخارج وكنت شغال في الدور الـ17 متعلق على سقالة وبعدين اتحركت من مكانها كنت هموت، وحصلت لي أحداث كثيرة كنت على طول بتكهرب لدرجة إن شعرى أبيض من وأنا في ثانوي عام.

وأضاف سامح حسين: عملت أيضاً ملقن بالمسرح، ومنفذ إضاءة، وأنا أصلا نظري ضعيف، وأنا من النوع المسرف جدا. 

وتابع: من المواقف الغريبة في بداية حياتي الفنية كنت راكب أتوبيس ونزلت منه في شارع التحرير وقابلني شخص وقالي أنا معجب بيك جدا بس مش عارف اسمك وعاوز أتصور معاك، وقال لي إنه مش معاه موبايل وطلب نتصور في استوديو وقعدنا ساعة بنلف على استوديو نتصور فيه في الدقي وعزمته على عصير قصب وقلت الحمد لله إنه ما شافنيش وأنا نازل من الأوتوبيس. 

اقرأ أيضاً | سامح حسين يكشف كواليس بدايته الفنية