الإثنين، 06 مارس 2023 - 01:22 م

تصدرت الفنانة نبيلة عبيد، خلال الساعات القليلة الماضية، «الترند»، عبر شبكات التواصل الاجتماعي وجميع محركات البحث؛ بعد تصريحاتها عقب تكريمها بمهرجان اسوان امس.

وترصد «بوابة أخبار اليوم»، في السطور التالية أهم وأبرز تصريحات لـ نبيلة عبيد ..

- ربنا كان موفقني جدا جدا، وعملت حاجات حلوة وبنتكرم عليها، وهو دا اللي سعدني.

- استقبلت خبر التكريم بانبساط، كنت مبسوطة أوي.

- مهرجان أسوان له طعم حلو لأنه بيعالج كل قضايا المرأة.

- أنا أكتر واحدة عملت قضايا المرأة.

-الروايات كلها مبسوطة أني قدمتها، لأن كل مؤلف الروايات عنده بتختلف في العطاء بتاعها، أو بتختلف فاللي هي عايزاه.

-دايما روايات إحسان عبد القدوس عنده المرأة مبترضاش بالمصير بتاعها، وكل الروايات اللي عملتها كدا.

- عند محمود أبو زيد المرأة بتبقى تابعة للزوج وعند وحيد حامد المرأة اللي مش بتسيب حقها أبدًا إلا لما تاخده.

-أسوان ...مدينه الشمس والطبيعة الساحرة الزرقاء بنيلها وشبابيك بيوتها وجدران منازلها البيضاء التي تشبه طيبة قلوب أهلها.

نبيلة عبيد تبحث عن طفلة ضحايا زلزال سوريا

جدير بالذكر أنه كانت قد كشفت نبيلة عبيد في تسجيل صوتي لها عبر برنامج Mbctrending  عن رغبتها في تبني الطفلة التي ولدت أثناء زلزال سوريا وتوفى جميع أهلها.

وقالت نبيلة عبيد في التسجيل صوتي: متأثرين كلنا جدا بالمأساة الكبيرة اللي بنتابعها كل يوم للشعب التركي والسوري أنا شفت مشهد الحقيقة مش قادرة أجمع أعصابي الست اللي ولدت تحت الأنقاض اللي ساعدها في الولادة راجل وهي اتوفت بعد الولادة وهو أخد البنت وخرج من تحت الأنقاض حاجة لغاية دلوقتي مخلية الواحد مش بينام.

اقرأ أيضا|نبيلة عبيد في انتخابات نقابة المهن التمثيلية