الإثنين، 10 أبريل 2023 - 09:43 ص

قال الفنان خالد الصاوي، إنه حينما أصيب بالانزلاق الغضروفي، في عام 2013 كان له بوادر قبلها بعامين وكان يتحمل الآلم ويتعامل مع المرض بجنون، قائلا: "كنت بقعد أقول لنفسي أني معجزتش وكانت نظرية غريبة لو جالي وجع اتحداه ولما تعبني قوي عملت عملية".

وأضاف «الصاوي»، خلال حواره ببرنامج «انا والقناع»، المذاع على قناة «سي بي سي»، أنه خاض عملية ناجحة، وعاد لعمله بعد 9 سنوات عاد التعب مجددا السنة اللي فاتت، ومن كتر ما أنا مضايق وقلت لو فتحت جراحة تاني فبقى الآلم شديد وكنت بتحدى نفسي والوجع زاد لدرجة أني كان هيغمى عليا.

وأكد "أن فكرة أنى هخش تاني واعمل عملية جراحية موصلتش للمرحلة دي وبقول لنفسي أنا ممثل لازم اشتغل على أيد ورجل وعين وأنا مزعج حتى للي بيعالجني ورحت عملت علاج طبيعي ومش قادر استحمل".

وأوضح، أن فكرة أن السوق كله يعرف أني في حالة مش كويسة ممكن كنت أقعد في البيت وبيجيلى الهاجس ده كده وممكن اقعد في البيت وعندي كوابيس متكررة وأهم كابوس دلوقتي أني اكون على خشبة المسرح ومش جاهز.