الإثنين، 10 أبريل 2023 - 10:28 م

••
(زيارة ••أكتوبر 2015)
••
‎علم مصر يرفرف فى العلالى 
ودفء أستقبال لافتتى المدخل
 (عيون مصرالساهرة ) 
وشعار (الشرف -الامانة - التضحية )
أمامها شباب ورد مبتسمين فى كامل أستعدادهم القتالى 
••
أشجار ورد مزيج الأحمر والبنفسجي ••ينثر بهجه رومانسية فى الموقع 
ومسجد الكتيبة الكبير المكتظ بصلاة جماعة فى توقيتنا بمأذنته وأسمه (مسجد الشهداء) 
*
‎أربع مؤشرات تأسرك فى موقع الكتيبة 
101 حرس حدود ساحلي 
المسئولة عن تأمين شمال سيناء حتى الحدود مع غزة ومقر مركز عمليات تأمين شمال سيناء 
‎تنسف تحضيرك أسئلة لوحدة قتاليه مشتبكه مع الأرهاب  بتأهب  24 ساعه 
أسال النقيب حاتم من المدرعات 
‎- ?!رومانسية فى وحدة قتالية 
‎ببساطه يشرح ..
-رومانسية يعنى حب ••وأحنا بنحب بلدنا وأرضنا وأهلنا ••ومستعدين دوما لحمايتهم 
••لا يقاوم فرحة أشواق عينيه 
- لعلم سيادتك الورد الاحمر مع البنفسجى بيحسسنى بحضن
 (جودى ••من سورة هود ثم أستوى على الجودى ••
عن الجبل الذى رست عليه سفينة نوح ) 
طفلتى سن سنتين ••وبتصبرنى على عدم نزولى أجازات علشان أحمى مستقبلها هى وجيلها باذن الله  
‎تجوزها ضابط -
‎لها الشرف -
- تجيب لها أخ ويطلع ضابط
‎قول يا رب-
*
‎يرد النقيب خضر من الشرطه 
_عندى مروان وعمر 
‎عمر الكبير ولا الصغير -
‎الصغير -
‎عندى الكبير عقبال ما تشوفه مدير تصوير سينمائى -
‎لايقاوم ضحكاته 
- متززر برضه  
‎كلهم  متزرزرين  ..وجمعتنا ضحكة فرح الابوة -
*
‎أجمع طابور الجنود المنضبط حولى بحميمة كلماتهم 
••
أشاغب الجندى مقاتل(أبانوب عماد )
يأسرنى هدوء ثقة عينيه
- (عمرنا ما فكرنا فى سؤالك ده يا أفندم ••اللى نعرفه هنا وفى كل مكان أننا مصريين لابسين أفرول الجيش المصرى وبندافع عن بلدنا مصر ••
وها نحقق لها كل الامن و نجيب حق اخواتنا  الشهداء 
-انت منين?
‎المنيا -
‎! صعيدى وما تسبش تارك -
‎طبعا -
- *
‎أيه حكاية الجندى  مقاتل -
‎ده واجبنا  ياأفندم -
‎ما بتخافوش  -
‎بحسم يرد المقاتل محمود من أسيوط 
‎من أيه يا أفندم حتى لو رفعوا أمامنا  سلاح الغدر -
ما بنخفش ••أحنا مقتنعين أن الرصاصة اللى طالعه 
من السلاح ••عليها أسم صاحبها•• لو أسمى عليها 
ده قضا ربنا وشرف الشهادة ••ولومش عليها مستمرين فى قتالنا ••وبعدين ما فيش مقارنة (أسد بيحارب فار) عمرهم ما واجهونا _راجل لراجل   _ حرامية 
أول ما نكشفهم يهربوا ذى الفيران 
ولعلم سيادتك فى الكمائن الليلية أول ما نحس بيهم بنولع لهم نار••أحنا هنا والراجل يورينا نفسه 
وبنطاردهم ونقبض عليهم ونسلمهم للجهات المختصه واللى يصر يتعامل  بالسلاح بنرد عليهم وبنوريهم وهانوريهم الويل 
( رصد جمال الغيطانى نفس المعنى فى حرب الاستنزاف 1969 - لكى تصيبك قذيفة يجب أن يكون أسمك عليها ) 
••
‎بحماس يكمل المقاتل عبده  من الشرقية وقوات شرطة مكافحة الارهاب 
-سيادتك أنا أتمنى بعد  تجنيدى أستمر متطوع علشان نجيب حق الشهيد ونقضى على الارهاب  
••‎
حولى مؤهلات عليا وفوق متوسطه ومتوسطه  من الصعيد وبحرى والقاهرة والسلوم والبحر الاحمر 
بعضهم له عمله فى محافظته يؤجله حتى ينتهى من أخذ حق الشهيد 
جميعهم قبلوا فكرة الاقامة والعمل فى سيناء 
- والله يا افندم أتعاملنا معاهم ••أهلها طيبين وكرماء ووطنيين جدا والحياة حلوه  ••ما هو سيادتك بعد التحرير بنصرأكتوبر 1973 ••أصبحت مصيف للكل 
وها تعود فى أقرب وقت لأمانها بإذن الله  )
‎ويعمم النقيب محمد
 (بالنسبة لضابط الجيش مصر كلها بلده يقيم فى أى  بقعة فيها )
••‎وجوه المقاتلين واضحه بلا إخفاء يتحدثون بأسمائهم واضحه أمام عيون أوراق الصحفيين وكاميرات التليفزيون والفضائيات 
**
‎يجذبنى وسط ضجيج فرح وزحام الاعلاميين 
فى زيارة الاسود 
صوت اللواء أركان حرب رياض عاصى قائد الجيش الثانى الميدانى 
-النهارده أحسن من أمبارح ••وبكرة أحسن من النهارده فعملية حق الشهيد قد حققت نسبه كبيرة من أهدافها بالقضاء على البنية التحتية للإرهاب  ومرحلتها الثانية تنمية سيناء ••تتوازى مع أستكمال القضاء على العناصر التكفيرية 
*
‎أجوب المعسكر ••بأغنية  فات الكتير يا بلدنا
 للكابتن غزالى قائد فرقة ولاد الارض بالسويس فى حربى الاستنزاف واكتوبر
 (أنت بترمى بإيديك قنابل - وإحنا ايدينا تزرع سنابل -  ياللى قلبوكوا (البوم )ساكنها ••وإحنا فى قلوبنا ساكنا البلابل ) 
••
أمامى تعمير وحياة فى جينات الانسان المصرى حيثما تواجد 
أشجار سنط باسقة ونخيل البلح وأشجار ورد أبيض وأحمر وبنفسجى ومستطيل نجيلة بداية لحديقة وملعبى كرة قدم وأساسات خرسانية لمبنى تحت الانشاء  ومعرض صغير لبعض الاسلحه والعربات المضبوطه فى المداهمات 
لا أنزعج من العربات العسكرية بأختلافها محملة بأنواع الاسلحة تتحرك فى طرق وجنبات الموقع بإنضباط شديد قادمة أو فى طريقها لمرور أمنى  أو مطاردة و مداهمة الاوكار الارهابية 
**
‎يوضح النقيب عبد المنعم من القوات الخاصة البحرية -العمل متكامل مع كل الاسلحه فنحن نؤمن السواحل ضد عمليات التسلل والتهريب وأوقفنا  الكثير منها بمتابعة وتفتيش بل ومداهمة بعض السفن الراسية أمام  سواحل رفح والعريش وبعض مراكب الصيد 
ونتبع نفس منهجنا فى العمليات ••عندما  نشك فى اى امر نطلب التفتيش واذا وافق ننفذه بسهولة الا اذا ظهر شئ مخالف واذا بادر بالتعامل بالسلاح فلا بديل عن مواجهته
*
‎أعود  بمخيلتى لمطار الوصول و قيام ووصول طائرات الهليوكبتر الاباتشى من مداهمة الأوكار الارهابية 
وصدق نبرات صوت العقيد طيار قائد أحداها
 (امام الله ••لم يتم مداهمة مدنيين مطلقا ••مهماتنا مهاجمة البؤر الارهابية بمعلوات أستخباراتيه دقيقه والتاكد الشديد من عدم وجود عناصر مدنية 
وفى مصادفة ظهور أى عنصر مدنى من أطفال أو نساء أو كهول نوقف المهمة فورا 
جاهزين 24 ساعه لكل مهمه ضد أى عنصر معادى أيا كانت جنسيته لنوقفه فورا )

وغضبة أحد شيوخ أهالى سيناء وهو يشرح 
-أنتوا نسيتوا حرب 67 ما كل مدن القناة تم تهجيرها لأن أمن مصر أهم ••وأهالى رفح والشيخ زويد لم يهجروا هم نقلوا فقط الى العريش الى أرضهم واهلهم وبيوت تسعهم 
وأقسم بالله العظيم لم يغادر أحد من منزله الا بموافته وحصل على التعويض المالى وقطعة الارض اللازمة لبناء بيته  قبل أن يتحرك من مكانه 
أحنا مقتنعين تماما أن القوات المسلحة فعلت ذلك مجبرة للحفاظ على الأمن القومى المصرى 
وكلنا فى سيناء من أكبر شيخ لأصغر طفل مؤمنين أن الامن القومى أهم وأخطر من اى شئ ونقدم له كل شئ 
••
يا سيدى بص حواليك فى الجيوش العربية وما يحدث فيها 
نحمد الله ان الجيش المصرى العظيم حمانا وبيحمينا ونقدم له أرواحنا وهى أغلى من أى بيوت أو قطعة أرض 
••
وخد بالك الجيش لم يقترب من أراضى المزارع ولا الفواكه وهى ملك الاهالى ووسيلة عملهم ورزقهم ورزق عيالهم 
فالهدف حماية أهلنا وتأمين حدودنا علشان نعيش أمنيين 
ويكفى أن الجيش أغلق الانفاق مع قطاع غزة وحمانا مما كان يأتينا منها من مخاطرها
 وأنتوا ناسيين علاقتنا بالحرب والجيش المصرى من 48 و56 وتاريخنا فى 67 و73 مشهود
 وفى الإنفلات الأمنى لم يأمرنا أحد بدورنا الذى نفذناه بشباب القبائل فى حماية كل مبانى المصالح الحكومية والبنوك والمحلات 
ومدينة العريش عمرانه عمرانه كل المحلات والمقاهى تعمل وكل الحياة تمضى بطبيعتها متأمنين بالجيش الذى يحمينا فى كل مكان والأمور تغيرت عما كان الآمن عاد 
وهناك بؤر قلق بسيطه بعد وقت قصير تنتهى 
وتفتح العريش قلبها لكل الناس كما كانت خاصة 
بعد التنمية والتى نتتظر منها بالأساس توفير فرص عمل للشباب لان البطاله أخطر ما يهدد أولادنا 
وفراغهم يأخذهم لمشاكل تضرهم وتضرتا 
فنحتاج مشروعات تستوعب أكبر عدد من الايدى العامله 
**
‎مع بسمة شباب الورد تودعنا على بوابة الكتيبة 
فى الزيارة التى تمنيت أن تطول وتتكرر 
وجدتنى أترنم مع حليم وبليغ والأبنودى 
( دا المهر غالى وحا يجيبوه – لو نجم عالى فى السما راح يقطفوه – دا النصر مهرك والعريس ابن البلد )
‎ربنا يحميكم يا ولا