الخميس، 13 أبريل 2023 - 11:37 ص

حل الفنان محمد رمضان ضيفا على برنامج "الراديو بيضحك" عبر راديو9090، وتحدث خلال اللقاء عن كواليس فيلمه الجديد "هارلي"، المنتظر عرضه في موسم عيد الفطر المبارك.

تفاصيل الحلقة:
ورد محمد رمضان، على الانتقادات التي وجهت له من خلال فيلم "هارلي"، قائلا إن كل مشروع يقدمه يخاطب شريحة معينة من الجمهور، وعلق: "هارلي ده فيلم سينما.. وجمهور السينما بيختلف تماما عن جمهور الدراما".

أىقرأ أيضا دنيا سميرغانم تشوق جمهور «جت سليمة» للحلقات الجديدة

وتابع محمد رمضان: "في السينما أنا بخاطب شريحة عمرية وهم رواد السينما الحقيقيون، هما من سن 12 سنة لسن 28 سنة.. دول جمهور السينما الحقيقي وأنا اخترت فيلم يخاطب هذه الشريحة ويمثلها".

وقال محمد رمضان: "هارلي هو شاب ينتمي لهذا الجيل اللي هو ممكن يكون بيختلف عن جيلي وعن الجيل اللي قبلي.. جيلي مكنش عنده إنستجرام.. وهذا الجيل عامل فولو لكريستيانو اللي هو عامل حلق أو فلان.. وكلنا بنعاني مع ولادنا إن هما بيقلدوا اللوك بتاع بعض.. وهو شيء عادي بالنسبة لجيل جديد".

واضاف: "هو ده الممثل يعني الممثل الحرباء إن هو إزاي يبقى في كل أرض لون الأرض دي.. وهو طبعا نقلة غريبة جدا من جعفر العمدة زي، وإن شاء الله الناس لما تشوف الفيلم هيشوفوا النقلة أكتر كمان إزاي شخص بيمشي ماشية مختلفة طريقة كلامهم مختلف، في أكشن تقريبا في السينما، أكشن ورومانسي، وفي كوميديا".

وأستكمل محمد رمضان: "أنا كنت عامل في السينما قلب الأسد وعبده موتة وواحد صعيدي، بس لما رحت الدراما عملت ابن حلال لأن أنا عارف إني داخل الدراما وأنا ضيف عندك في البيت، فلازم أبقى حريص إن هبقى لابس إيه؟ وهتكلم ازاي؟ وهقعد ازاي؟".

واختتم محمد رمضان: "بإذن الله فيلم هارلي يكون يعني ثقة في الله بتنبأ إن هو يكون أعلى إيراد في مسيرتي السينمائية إن شاء الله". 
أبطال فيلم هارلي

فيلم "هارلي" يخوض بطولته النجوم محمد رمضان، مي عمر، محمود حميدة، ومشرف عام لرويال صن رياض المزهر، ومشرف على إنتاج رويال صن محمد ناصف، والفيلم تنفيذ شو ميديا برودكشن ويرأسها محمود الشيخ، ومن إخراج محمد سمير.