الأحد، 16 أبريل 2023 - 09:49 م

 ظاهرة غريبة لاحظناها مؤخرا  فى بعض الاحياء والمدن الجديدة ، استئجار شركات امن خاصة وغلق الشوارع العمومية بحواجز ورجال امن ، ومنع المرور بها الا لسكان المنطقة . يعنى تحويل الشوارع من ملكية عامة الى خاصة !. حدث هذا فى المنطقة المحيطة بمبنى جهاز القاهرة الجديدة الموجود بشارع التسعين الجنوبى . وحدث ايضا بمنطقة الشويفات ،وايضا بعدد من الكومباوندات امام مدينة الرحاب . هذه الظاهرة غير قانونية وغير متوافقة مع النظام العام للدولة . وبالتأكيد هى تصرفات خاصة لم تنتبه اليها اجهزة المدن الجديدة .  وبالفعل لا يوجد موافقات من احد وتدخل الجهازلإزالة البوابات ، فى المنطقة التى اثارت جدلا واسعا هذه الايام .

 النقاش الحاد الذى بدأ على صفحات السوشيال ميديا بين ملاك الفيلات والعمارات والسكان والمواطنين المارين بالمنطقة لم ينته بعد .  وجهة نظر اصحاب الفيلات بمنطقة الشويفات تقول : «انهاردة كان فى موقف ايجابى شاركنا فيه كلنا جيران اكتر من ٧٠ فيلا فى المنطقة وتحملنا تكلفة الجيران المعترضين لتأمين المكان ورفع مستوى المنطقة ومنع الميكروباصات والباعة الجائلين من الدخول العشوائى  للمنطقة وتم تباحث الموضوع من اكتر من شهر وجمع مقترحات ،واتفاجأت انهاردة من رد فعل جيران لينا بمحاولة هدم الفكرة بانها فكرة عشوائية وفوضى ، والوضع السابق هو النظام بالنسبة لهم ، لا والاحلى انهم عاملين نفسهم مش عارفين ، يعنى اما امشى فى طريق بيتى والاقى عشرين عربية مش من المنطقة راكنة وقافلة الطريق عادي،  ده حظى عشان موقع فيلا قريب من التسعين ، واستحمل المشكلة ده او لو عربيات ميكروباص عاملة موقف اول الشارع والشرطة نفسها مش قادرة عليهم يباه ده قدرى ونصيبى !! للاسف ده منتهى الانانية والتعنت ومعرفش لمصلحة مين الوقوف ضد الامان والنظام للمنطقة ، كل واحد بيبص لمصلحته وناسى الجيران واننا المفروض نقف مع بعض ضد العشوائية «.

وهذا الرأى الآخر : الشوارع ملكية عامة، بيتك ملكية خاصة.سيادتك رايح تتمصلح وتخلى السكان يدفعولك وتجيب شركةأمن ! ويقولى انت مين ورايح فين، وأصل احنا طوقنا المنطقة وعملنا بوابات وبقينا كومباوند! مسخرة فى شمال الشويفات، مش من حقك تمنع او تسأل فى الملكية العامة والا تتحكم فيها ، الشرطة والحى لازم يتدخلوا ! مش من حقكوغير قانونى، دى بلطجة مقّنعة ! ويقولى لف وامشى عكسى ، يعنى اخد مخالفة مرورية عكسى علشان طريق عام يبقى خاص .

اذا كانت هناك فوضى من عربات بيع المأكولات والميكروباصات والمواقف العشوائية ، حلها ليس بغلق الشارع ، انما بابلاغ الجهات المسئولة والامن . دعاء : اللهم تقبل صيامنا وقيامنا ، وارض عنا ياكريم .