الإثنين، 03 يوليه 2023 - 02:25 م

نشرت السفيرة سها جندي وزيرة الهجرة منشورا عبر صفحتها الشخصية على موقع التواصل الاجتماعي فيس بوك منشورا تستعيد فيه ذكرياتها مع ثورة ٣٠ يونيو.

وكتبت وزيرة الهجرة "كل سنة ومصر بهية ومحمية بولادها..إحساس يوم 3/7 إحساس لا يوصف، أحاول استعادة اللحظات دي مش قادرة من عظمتها؛ لأن أنا فاكرة إنها كانت أول مرة من سنوات نلمح ضوء في آخر النفق..

من يوم ٣٠ يونية كنا في الشارع يوميا، في الصباح في الشغل، وبالليل في الشارع أمام الاتحادية، وذكرياتي عن ٣ يوليو آنها من أجمل أيام الوطن، أيام تجمع فيها المصريين لاعادة بلدهم، كنت موجودة في مصر كنت وقتها نائبا لمساعد وزير لشئون امريكا الشمالية".

واستكلمت قبلها كنت بأنام وأقوم وحاسة بتقل على قلبي، وحاسة إن الأمل معدوم، مش عارفة المستقبل بكرة جاي بإيه؟
لكن في يوم ٣ يوليو أول مرة أستعيد الإحساس بعظمة وفخر مصر.

الدولة دي عظيمة.. عظيمة بأهلها عظيمة بقيادتها عظيمة بكل حاجة.. رجعت لنا الأمل اللي كان ضاع".

الإحساس بالحرية كأننا كنا مُكبلين من إيدينا ورجلينا. وفي حجر تقيل على قلبنا، وكل الأغلال دي كانها اتفتحت مرة واحدة وفجأة وكأننا كنا في غرفة ضلمة والنور دخل علينا مرة واحدة من غير مقدمات، بمفاجأة رائعة ورهيبة".

وأضافت "شعور لا يوصف وإحساس أن مصر رجعت لنا.. احنا رجعنا.. رجعنا ورجعنا عظماء زي ما المفروض نكون وزي ما كنا طول عمرنا.. ورجعنا واحنا حاسين ان احنا نستاهل ونستحق.