الإثنين، 31 يوليه 2023 - 07:34 م

حدد قرار رئيس الوزراء 18 جهة تلتزم بالعمل عن بعد « أون لاين» يوم الأحد من كل أسبوع للموظفين ببعض المصالح الحكومية غير المرتبطة بالتعامل المباشر مع المواطنين، وذلك ضمن خطة ترشيد استهلاك الكهرباء فى مصر، ويبدأ تطبيق القرار اعتبارًا من يوم الأحد الموافق 6 أغسطس حتى نهاية الشهر ، وهناك آراء مختلفة حول العمل أون لاين ، أبدأها باقتراح الأستاذ الدكتور شريف قاسم استمرار التوقيت الشتوى وتبكير مواعيد العمل كحل أفضل لمواجهة أزمة الحر والكهرباء.

يرى شريف أن الاقتراح»يتيح فرصة للتعامل مع الجو الحار بشكل هادئ وطبيعى مع الأزمة، حيث سيكون موعد صلاة الفجر حوالى الساعة 3 ، ومع تعديل مواعيد العمل بكافة أجهزة الدولة لتبدأ من الساعة السادسة صباحا وتنتهى عند الساعة الـ 12 ظهرا ، نحقق فوائد عديدة ، منها أن الناس هتنام بدرى عشان تصحى بدرى فممكن يناموا من الساعة 8 أو9 مساء ، ان تكون ساعات العمل فى أوقات الجو يكون فيها الطف نسبيا فلا نحتاج لتحميل كبير على الكهرباء، ان المحلات التجارية ممكن تقفل على الساعة 7 مساء نظرا لأن الناس هتنام بدرى وحدها وبالتالى هنوفر فى الكهرباء، ان المواصلات العامة ممكن تقفل هى كمان بدرى عند العاشرة مساء، وبكده نوفر كمان وكمان فى استخدامات الطاقة بأنواعها، والجميل فى كل ذلك أن توفير الطاقة الكهربائية وغيرها هيتم تلقائياً وطواعية بمجرد تنفيذ القرار الأساسى ، وهو تبكير مواعيد العمل مع استمرار التوقيت الشتوي».

ووجه المهندس ايهاب مدحت سؤالاً لمتخذ قرار العمل يوم الأحد من المنزل:» هو أنا لمّا اشتغل من البيت -on line- يوم الأحد مش هشغّل التكييف ولا هستهلك كهربا وأنا فى البيت، وبعدين ده لو موظف واحد من كل إدارة راح الشغل، التكييفات والأنوار كلها هتشتغل كأن الكل موجود، يبقى كده الحمد لله البيوت والمبانى شغّالة كهربا، يبقى لازم نجرّب حاجة جديدة بره الصندوق.

ولدينا من يختلف مع ايهاب . ونواصل غداً بإذن الله

دعاء : اللهم اعنا على ذكرك وشكرك وحسن عبادتك