الثلاثاء، 29 أغسطس 2023 - 11:22 م

حلت الفنانة أنغام، ضيفة علي برنامج برنامج AB TALKS، الذي يقدمه أنس بوخش عن أصعب موقف تعرضت له في طفولتها، وعن تعرضها للاكتئاب ورأيها في الإعلام الحالي.

وقالت أنغام خلال لقائها في : بعد ما شوفت أبويا بيضرب أمي وأنا طفلة مبقتش اسلم عليه ولا أبوسه، وبعمل ده وأنا مرتاحة، وبقى عندي مسئولية أني أحمي ماما طول الوقت.

وأضافت أنغام: سألت والدتي ليه كملتي مع والدي بعد ما ضربك، وكان ردها عليا  كنت هعمل ايه هروح بيكم فين انتوا الاتنين، مشفتش والدتي سعيدة يوم، ولومتها بقسوة وأمي مكنش ليها ظهر من أهلها، وأخويا ملحقش يشوف أخت عادية في البيت، هو وعي وأنا كنت مشهورة ومسئولة، وأنا مديله العذر في كل حاجة.

وعن رأيها في الإعلام، أوضحت أنغام: أنا في غاية الامتنان للإعلام اللي أنا خرجت منه اللي كان في بداياتي.. الإعلام الحالي بتأقلم عليه أنا جاية من زمان مختلف، ومش بحب أشوف نفسي ضعيفة او مهدوده ومش بعرف ابين ده، ومرت بحالات اكتئاب كتير في سنين طويلة كنت مكتئبة وقعدت سنين أخد أدوية، وكنت منفتحه عاطفيا وده كان غلط في تجربتي.

وتحدثت لأول مرة بوضوح عن طفولتها وقالت "أحلى ذكرياتي وأصعب أيام حياتي.. ومش عايزة أقول كلام أنا مش قده"، وأكدت أنها تكشف أسراراً للمرة الأولى لا يعرفها أحد ولا حتى أهلها.

وكشفت أنغام أيضا مدى حبها للشهرة وأسباب فشل زيجاتها، وتحدثت أيضاً عن والدها وإذا سامحته أم لا، بالإضافة إلى حديثها عن شقيقتها الراحلة غنوة وحزنها عليها.

يذكر أن أنغام أحيت مؤخرا حفلاً كبيراً في "مهرجان العلمين الجديدة"، بعد فترة من الغياب عن إحياء الحفلات في الساحل الشمالي.