الأحد، 24 سبتمبر 2023 - 01:36 ص

تحدثت الفنانة لقاء الخميسي عن العديد من أسرار حياتها، خلال لقائها مع الإعلامي تامر شلتوت، في برنامج In Deep في العمق، المذاع عبر قناته الرسمية بموقع الفيديوهات الشهير يوتيوب، خلال اللقاء تحدثت الخميسي عن نزولها قبر أحمد زكي أثناء دفنه.

فقالت الخميسي: نزلت القبر مع أحمد زكي، كان يوم صعب جدًا، ربنا يرحمه، وعمري ما فكرت في الانتحار، وابني بيخليني أعيط كل يوم، وشايفه إن أي حد يضايقني يخبط راسه في الحيط.

وتابعت لقاء الخميسي: كل يوم بكلم نفسي، وبقول أنا لقاء الخميسي ، وبكلم ربنا، ودا حصل لأني بقيت أحب نفسي مؤخرًا، لاني مكنتش بحب نفسي زمان.

كما تحدثت لقاء الخميسي عن تصريحات فنانة شابة، بشأن ترشيحها لتقديم مسلسل راجل وست ستات، قبل لقاء الخميسي، إذ قالت: اللي يتكلم يتكلم وماله أنا نجحت ولا لأ، مببصش أنا للغيبيات دي، شوفت فيديو الفنانة دي، لكن مردتش، في النهاية مين اللي عمل المسلسل، لقاء ولا هي، كلامها كله مش مظبوط.

أما عن قلة أعمالها الفنية في الفترة الأخيرة، فقالت: اخترت أريح وعمري ما قلت هي ليه واحدة زيي مبتمثلش؟!، عمري ما ندمت على اي تصريح قلته، أنا طول الوقت بتهاجم، والصحافة الصفرا بتدور على أي حاجة، لو كحيت هيقولوا لقاء كحت عشان كذا، الصحافة الصفرا هتفضل كده.
اقرأ أيضا:لقاء الخميسي: «بكلم أبويا المتوفي كل يوم وبيرد عليّ»
كما تحدثت لقاء عن نقطة ضعفها في الحياة، فقالت: ابني هو نقطة ضعفي، إحنا الاتنين نفس الحب، وهخلص منها قريب، هو قعد معايا فترة طويلة لوحدنا، كل حياتي صاحبي وأخويا، عنده دلوقتي 18 سنة.