الجمعة، 13 أكتوبر 2023 - 02:59 م

أعلن مطرب المهرجانات علي قدوره اعتزاله عالم الغناء، وذلك عبر حسابة الشخصي بموقع التواصل الاجتماعي "فيس بوك".

ونشر "قدوره" صورة له أثناء تواجده بالحرم المكي الشريف، وكشف عن اعتزاله الغناء، قائلا: "السلام عليكم في يوم جمعة مبارك.. أنا علي عبد القادر السيد، الشهير بعلي قدورة.. كنت مغني قبل النهاردة  في حاجة حصلتلي مش عارف اية هي بس الحاجة دي هي اللي بتخليني اتكلم دلوقتي".

وتابع: "أنا بريء من كل عمل أو مزيكا عملتها في حياتي وبعلن اعتزالي عن مجال الأغاني لحد ما يفتكرني ربنا ويارب سامحني عن أي حاجة أنا عملتها في حياتي أو أي حاجة صدرت مني ويارب قربني ليك وافتحلي باب رزق يرضيك ".

واستكمل: "مفيهاش حاجة لو بدأت من جديد في أي شغل بالحلال وأي فلوس معايا أنا هسيبها بالرضى لأهلي ومش عارف هيبقي الصح ايه".

واختتم: "ربنا يثبتني في الطريق ده.. ومش هطول عليكم بس دي نيتي وربنا كريم وكبير وغفور رحيم".

المطرب الشعبي على قدوره

اشتهر على قدوره للمرة الأولى بعد ظهوره مع حمو بيكا فى الفيديو الشهير لأغنية رب الكون ميزنا بميزة، وتعتبر هذا الأغنية هي الانطلاقة الحقيقية لقدوره وبعدها قام بطرح العديد من الأغانيات.