الأحد، 29 أكتوبر 2023 - 11:28 م

هاجمت الإعلامية أميرة بدر، السيناريست تامر حبيب بسبب تعليقه على انسحاب محمد سلام من مشاركته بمسرحية زواج إصطناعي بموسم الرياض.

وعلقت أميرة بدر عن ذلك في برنامجها على قناة "هي" قائلة : "النجم محمد سلام الممثل المحترم الإنسان رأيه يحترم جدًا، وبرامج كثيرة حاولت تتواصل معاه مرضيش يطلع يتكلم لإنه مش عايز تريند وشهرة، هو إنسان دينه الإنسانية قبل الإسلام".

وتابعت أميرة قائلة : "محمد سلام عمل موقف نبيل جدًا، ومش قادر يرقص ويغني وإخواته في غزة بيموتوا، وكثير منا مش عارف يمارس حياته الطبيعية".

واستكملت حديثها: "الأستاذ تامر حبيب كتب على السوشيال ميديا والنبي لما اي حد فينا ياخد اي قرار، ياخده و هو ساكت، ولا إنت عايز تبقى تريند، خليني ساكت بلاش اتكلم".

وأختتمت: "في موقف زي دي يا أستاذ تامر بلاش تتكلم، حضرتك عايز تروح وتشتغل روح محدش هيقول لك حاجة، الممثل شايف إن ده شغله وأكل عيشه وده حقه، ولكن يا أستاذ تامر ماتطلعش تتكلم على الأستاذ والنجم محمد سلام بهذا الشكل، حتى لو كتبت بعدها إنك لا تقصده، لإن ده حقه".