الجمعة، 17 نوفمبر 2023 - 06:10 م

وجه الفنان فادي خفاجة رسالة غامضة مجهولة بعد انتقادات الجمهور له وللفنانة مها أحمد بعد ظهورهما في لايف عبر تيك توك وهى تصف منتقديها بالخدامات.

وقال فادي خفاجة، عبر بث مباشر له عبر موقع تيك توك: "إنتي فين ياللي جوزك دكتور؟ إنتي عملتي إيه في حياتك؟ إنتي معملتيش حاجة خالص ولا اشتغلتي، وعمالة تقولي أنا ابني مع كل الاحترام والتقدير على راسي، بس إنتي بتاجري بيه".

اقرأ أيضًا| أحمد حلمي يروى قصة بدايته مع برنامج الأطفال.. ماذا فعل في الحضانة؟

وقام فادي خفاجة بخلع ملابسه خلال البث المباشر، قائلًا: "اللي يفتح عليا لايف قوله ابن سيد خفاجة هيفتح عليك بلد".

وكانت مها أحمد أحدثت ضجة كبيرة بعد ظهورها في فيديو بث مباشر على تيك توك وهى توصف منتقديها بالخدامات.

وخرجت مها أحمد في بث مباشر جديد عبر حسابها على تيك توك لتعلق على هذا الأمر قائلة: "إحنا بنطلع عشان مبنشتغلش، في الوسط مبنشتغلش ولقينا مجال زي السوشيال ميديا، ولو أنا مثلًا بعمل مسرح ولو فيه عائلة سعودية أو كويتية بيجيبولي هدايا، وعندي أصدقاء يمنيين بيجبولي فضة وبقبل الهدايا، فهل أقبل الهدايا وأنا في المسرح أو السينما ومش هقبلها على اللايف؟ لا هقبلها، أنا حرة ومحدش له حاجة عندي".

وأضافت: "خلاصة الموضوع، إحنا داخلين على التيك توك عشان نشتغل، أنا واحدة ماضية عقد مع تيك توك وتبع إدارة التيك توك، أنا موظفة وبشتغل ولازم أشوف شغلي وأكل عيشي وبفكر الناس بيا والـ CV بتاعي وإني فنانة وموجودة حتى لو ماليش أعمال دلوقتي".

ووجهت مها أحمد رسالة لشخص مجهول دون ذكر اسمه قالت فيها: "الواحد هيرجع وأقول ربنا يشفي كل مبتلى أو مريض، قلة الدعم بتجيب حالة مش طبيعية وكلنا بنكتئب، فيه واحد بيعبر عن حاله ويطلع لايف ويبقى تريند، يعني فيه واحد ما من ضمن الناس المدمنة طلب مني نتخانق مع بعض عشان يطلع تريند، رغم إنه عمل حاجة وطلع بيها تريند وكسب تعاطف الناس، قولتله عيب مش للدرجة دي، أنا مش من الناس اللي ممكن تطلع تريند عشان خناقة مع حد أنا تريند لوحدي".

وتابعت: "كل حد بيستخدمني عشان يطلع تريند هو حر، وإنك تقعد في اللايف والناس تشتمك بس تخلي الواحد حالته النفسية مش كويسة ويتصاب بالهلع والرغي واللت والعجن وشتايم الناس وإني أسخر الأدمن اللي عندي يسجلوا كل اللايفات، ليه يعني؟".