الأربعاء، 20 ديسمبر 2023 - 11:57 ص

وجهت عبير أحمد مؤسس إتحاد أمهات مصر للنهوض بالتعليم، وإئتلاف أولياء الأمور، حديثها إلى أولياء الأمور، كل انسان في الحياة لابد أن يكون له «قدوة»، يا ترى كل واحد من أبنائكم قدوته مين؟.

وقالت عبير، في تصريحات صحفية، إنها وجهت هذا السؤال للتركيز علي «القدوة» واحياءها بين أولياء الأمور من الأمهات مع أبنائهم، وذلك نظرا لأهمية وجود قدوة حسنة لأبنائنا يقتدوا بها وتكون دافع لنجاحهم في مختلف المجالات.

وشددت عبير، على أهمية حسن تصرفات وأسلوب الآباء والأمهات في جميع معاملاتهم، لافته إلى أن الأبناء يفعلون ويقلدون تصرفات الوالدين سواء كانت جيدة أو سيئة، وبالتالي لابد أن يكونوا قدوة لهم.

وتفاعل أولياء الأمور، على صفحة إتحاد أمهات مصر وإئتلاف أولياء الأمور، في الفيسبوك، حيث قالت ولي أمر: "القدوة للجيل ده مختلفة لأنهم جيل سابق وثقافته غيرنا خالص، بس فى العموم انا وباباهم القدوه فى أغلب الأمور ومبدأ الحرام والحلال والصح والغلط".

وأضافت ولي أمر أخري: "بابا وماما وشيخه معلم القرآن والطفل الجميل القارئ عمر علي ربنا يبارك فيه"، وتابعت أخري: "حقيقة قدوتهم انا وباباهم دايمآ
الطفل فعلا بيحاول يقتدي بأهله في تصرفاتهم وأفعالهم لأنهم دائمآ هما اللي أمامه في كل الأوقات الطفل مرآه لأهله".

واستكملت ولي أمر أخري: "هما دايما شايفين انا قدوتهم ودايما بعلمهم يتعاملوا بالأحسن وأسلوبهم يبقى كويس مع اللى حواليهم وإن الكلمة الطيبة صدقة ودايما يكونوا أفضل من غيرهم وميتعلموش من اللى حوالهم ويقتبسوا الشئ السئ زى اللى بنشوفه الأيام دى وربنا يحفظ أولادنا جميعا يارب".

وذكرت ولي أمر: "هما بيتعاملوا دايما معايا إن أنا قدوتهم وأنا بقولهم شوفوا دايما الناس الأحسن منكم واتعلموا منهم، شوفوا الصاحب الكويس والمدرس المحترم واتعلموا تكونوا أفضل ودايما تكونوا أحسن"، وأضافت أخري: "بصراحة البنات عندى أنا وباباهم قدوتهم وفرحانة بيهم جدا إنهم فاخورين بينا وبيتعلموا مننا حاجات كويسة وبتمنى يفضلوا كده على طول ونفضل مثلهم الأعلى".