الجمعة، 09 فبراير 2024 - 10:05 ص

شاركت الفنانة رانيا منصور كموديل في كليب الفنان تامر حسني الجديد "موضوع رجوعنا".

وكشفت رانيا منصور في تصريحات لبوابة أخبار اليوم تحمسها للفكرة وعن الكواليس مع الفنان تامر حسني قالت:"انا من معجبي تامر حسني وبحبه كمان اكيد لما يقولي أصور معاه اغنية أكيد طبعا وافقت ومبسوطة جدا كمان".

واستكملت :"الكواليس كانت أكتر من رائعة يعني تامر بحبه اوي ودمه خفيف فطول الوقت الأغنية حزينة بس احنا في الكواليس بنضحك وكانت حلوة جدا يعني انبسطت اوي واكيد هاخد منه فيديو للميكينج وهنزله ان شاء الله فالكواليس كانت جميلة بصراحة انبسطت اوي".

وأعلنت أنها ظهرت في إحدى الكليبات سابقا، وعن هذا الأمر ذكرت: "صورت فيديو كليب قبل كدة بس بلاش نتكلم عنه لان مش هنلاقيه مكنش معروف اوي كان في بداياتي حتى قبل ما أمثل فبلاش نجيب سيرته".

وتابعت: "اول مرة أصور فيديو كليب مع فنان كبير زي تامر حسني اكيد مبسوطة جدا طبعا ان أنا صورت معاه ولو هكرر التجربة تاني او لا على حسب معرفش ممكن اعمل كدة تاني او لا بس هي كانت التجربة جميلة طبعا بس اكيد لو في فنان بنفس حجم تامر حسني واتشجعت ان انا او عجبتني الاغنية مقدرش اقول قرار بصراحة اعمل كدة تاني او لا".

اقرأ أيضا: 37 فيلماً يتنافسون على جوائز 3 مسابقات بمهرجان بغداد السينمائي

أغنية "موضوع رجوعنا"، من كلمات تامر حسين ومن ألحان مدين وتوزيع موسيقي وسام عبد المنعم.