ريهام سعيد تعود للشاشة من جديد ببرنامج وفيلم سينمائي

الاعلامية ريهام سعيد

ريهام سعيد تعود للشاشة من جديد ببرنامج وفيلم سينمائي

الأربعاء، 20 يوليه 2022 - 02:52 م

نشرت الإعلامية ريهام سعيد عبر صفحتها الرسمية على موقع تواصل الاجتماعي «انستجرام»، صورة لها، وعلقت عليها قائلة: «الحمد لله تزامن تعاقدي مع قناه الشمس دخولي اخيرا السينما والتعاقد علي اول فيلم سينمائي، وما توفيقي الا بالله».

وأعلنت الإعلامية ريهام سعيد عودتها للإعلام مجددًا، بعد إعلان اعتزالها لمدة تقرب من عام.

وكتبت ريهام سعيد منشورا عبر حسابها الشخصي على فيسبوك، قالت فيه: «بعد تفكير عميق وبعد مرور سنة كاملة من قرار الاعتزال، أعلن عودتي للإعلام بإذن الله، وما توفيقي إلا بالله أرجو الدعاء».

وكانت الإعلامية ريهام سعيد قد أعلنت العام الماضي، اعتزال الإعلام كمقدمة برامج، بسبب ما وصفته برغباتها في التركيز في أعمالها الفنية كممثلة.

وأضافت الإعلامية ريهام سعيد في منشور على حسابها الرسمي على إنستجرام: «فكرت كتير قبل ما أكتب البوست ده. أنا اعتزلت التمثيل سنة ٢٠١٥ لأني حسيت إن صاحب بالين كداب وإن التمثيل مأثر على مسيرة الخير اللى ابتديتها من سنين طويلة عشان الوقت والمجهود إللى بعمله، لكن عشقي للتمثيل اللى هو دراستي ومهنتي الأولي قبل الإعلام رجعت أمثل تاني وأنا لسه في نظر المخرجين والمنتجين مذيعة عايزة تمثل».

وتابعت: «كنت عارفة إن عشان آخد مكان كممثلة لازم أسيب الإعلام زي- مع حفظ الألقاب- داليا البحيري وبسمة ودينًا فؤاد ودينا الشربيني وغيرهم بس مكنتش قادرة أسيب رسالتي اللى كانت مهمة أوي وقتها».

وعن الأزمات الأخيرة قالت ريهام سعيد: «أنا حصل لي مشاكل كتير من المهنة دي بتأثير باطل من السوشال ميديا من منافسين وأعداء، بسبب المشاهدة العالية جدا والنجاح، أنا تعبت وحسه إني قدمت كل اللى ممكن يتقدم والدولة عامله اللى عليها ومش محتاجين دور المجتمع المدني في مساعدة الناس، ولكن أنا ليا الشرف إني اشتغلت في المهنة العظيمة دي اللى ليها رسالة سامية وعظيمة وليا الشرف إني كنت إعلامية في أصعب وقت مر على الإعلاميين أيام حكم الإخوان والحمد لله كان لينا موقف واضح وما تغيرش ولا دقيقة».

واستطردت أنا بكل أسف بعلن اعتزالي الإعلام تماما وهاركز كممثلة وهاطلب من الدكتور أشرف زكي إنه يساعدني إني أغير الفكرة الموجودة في أذهان المخرجين والمنتجين إني مذيعة. ورسالة للأستاذة كاملة أبوذكري ومش مكسوفة، نفسي أوي أمثل معاكي حتى لو مشهد ده من أحلامي. خطوة صعبة وفيها ريسك كبير بس على الأقل أجري ورا حلمي حتى وأنا في السن ده. جه الوقت إني أستمتع باللي بعمله وبحبه، خصوصا لما يكون في عصر ولا في وسطة ولا محسوبية إلى هايجتهد هايوصل. ماتسيبوش حلمكم مهما فات الوقت.

ووجهت ريهام سعيد رسالة لجمهورها قائلة: «بشكر جمهوري من الأمهات والشباب والأطفال إللى دايما بيدعموني وحبه برامجي واتعلموا منها وبشكر ربنا على عشرين سنه إداني الفرصة فيها إني أقضي حوائج الناس وأقدم كل ما هو مفيد. فخورة بكل حلقة وبكل حرف قدمته ٢٠ سنة تعب وسهر وتصميم على تقديم الحقيقة. أنا آسفة ليكم بس التمثيل رسالة برضوا وهو حلمي الأساسي اللى اتأخرت أوي عشان أحققه يا رب وفقني وساعدني».