الخميس، 25 فبراير 2021 - 07:46 م

حقوق ايه يا فوفو اللى خايفة عليها، دى كلاب شوارع يا روحى، لا لا مش كلاب حراثة ولا غيره، ولااا حد هيثأل فيهم، لا هايقول القفث ضيق ولا حقوق الحيوانات والكلام ده، كلاب عالم تالت يعنى، ولا هنلاقى حد يقولنا بتعملوا ايه.. آه مش كلاب مولات وكمباوند.
هى مين اللى متوحشة، يا حبيبتى الكلاب دى كيوت خالص لو رميتى لها عضمة متاكلة 100 مرة هاتخرث خالث، هاتمشى وراكى ذى الألف.. تخيلى الولد الثايث قال لى انه الكلاب هبرت ثوثن هانم من فثتانها، وقرمت مدام ثوذى من فخادها، بيقولك بقت بتشلب دم، واللا اللى عملوه فى ثمثم بيه.. تخيلى الكلب يجرى ورا الراجل المحترم مدينة نثر كلها، وهو بيجرى الحذام بتاع البُرنث فَك منه، اتذحلق فى قشرة موذ، راحت الكلاب هابشاه من الحتة الطرية..
وذارة الذراعة قالت ماليش دعوة دى ظاهرة عامة، رحنا جنينة الحيوانات قالت واحنا مالنا مش مثئوليتنا، الكلب لو مش من مواليد الجنينة مانقدرش نثتلمه، أهم حاجة عندهم يكون الكلب مولف مع أثحابه.
ولما ثألنا طب هل ممكن نخلث منه، قالولنا احنا مش هانكفر محدش يقدر يثممهم، دى أرواح.. الشيخ قال كده للثايث، وطول ما الكلب مابيهبرش حد منه لنفثه كده، يبقى ماتقدرش تقتله، ممكن تنقله.. يعنى تحط له منوم فى الأكل، وبالليل ع الهادى كده ناخده نذحذحه فى حتة بعيدة..
وربنا حليم ثتار يا فوفو!