الإثنين، 10 يوليه 2023 - 10:24 ص

كشفت الفنانة عايدة رياض تفاصيل سجنها، والتي أكدت أنها سُجنت ظلمًا بسبب أموال مزورة، وليست قضية مخلة بالآداب كما انتشر خلال السنوات الماضية على حد قولها.

وقالت عايدة رياض، في الجزء الأول من لقائها مع الإعلامي عمرو الليثي في برنامجه «واحد من الناس»: البوليس جه البيت وقابلوا محرم فؤاد وقالوا له إنهم مسكوا بنت معاها 100 دولار مزيفة وبتقول أنها وخداها من مدام عايدة رياض، وطبعًا محرم صدق ونزلنا روحنا هناك، ومحرم تفاجئ بمكالمة من زوجة مخرج.

اقرأ أيضا حقيقة زواج عايدة رياض من أحمد بدير

وتابعت: اللي بتضايق منه أنه بيتقال على السوشيال ميديا دي جايبينها من فيلا وحاجات رهيبة جدًا وكلام ظلم في ظلم وكان نفسي الناس تتحقق قبل ما يظلموني، ويرجعوا لمديرية الأمن ويعرفوا أنا كنت فين، والقصة كلها كانت متلفقة.

وأضافت عايدة رياض: أنا مكنتش حاسة بالدنيا كأن قطر خدني، ده مش ظلم بسيط كل عيلتي وأهلي، ودي حاجة مش سهلة، وأنا مبقتش مستطعمة أقول إني مظلومة، والناس بيبقى ليها أعداء وغيرة من غير حاجة.

واستكملت عايدة رياض: محرم فؤاد اتخانق مع الضابط وده السبب إني أتأخرت في المديرية، وناس حقوقيين بعد الثورة كلموني وقالوا لي ارفعي قضية وخدي حقك ورفضت وقولت ليهم البلد في إيه وانتوا بتقولو إيه، ومحرم وقف ترافع عني أمام القاضي في المحكمة.