الأحد، 12 مايو 2024 - 01:06 م

دافع مغني المهرجانات عنبة عن صديقه عصام صاصا في أزمته الأخيرة بعد إتهامه بدهس شاب ووفاته أعلى الدائري في أول ظهور لعنبة بعد نجاته من حادث سير تعرض له نتيجة اختلال توازن سيارته.

ونشر عنبة، عبر خاصية استوري على صفحته الشخصية على «انستجرام» فيديو يدعم فيه عصام صاصا موضحا أنه يمر بفترة نفسية صعبة بسبب الحادث قائلا :«أول حاجة إنا لله وإنا إليه راجعون.. أنا طالع بقدم خالص التعازي لأسرة ضحية حادث عصام صاصا ربنا يرحمه ويصبركم».

وتابع قائلا :«أنا حاسس بيكم لأن بنت عمي ماتت من 4 سنين أو أكتر وهي في زهرة شبابها وهي بتعدي برضه العربية خبطتها وجريت محدش وقف ليها» مضيفا :«أنا عارف إن مفيش فلوس في الدنيا هتعوض ابنكم».

اقرأ أيضا: آخرها «شقو».. 5 أفلام ينتظر الجمهور طرح جزئها الثاني

ووجه عنبة رسالة إلى أهل الشاب المتوفي وطلب منهم عدم الاستماع إلى حديث السوشيال ميديا قائلا :«ورسالتي لأهل الضحية أنا مش بلومكم في حاجة ربنا يصبركم موقف صعب أنتم مدمرين نفسيا هنا وهو مدمرنفسيا بس اللي عايزه أقوله هو مش بيخبط أي حد ومش بيدوس على الناس بفلوسه».

واستكمل :«بلاش حد يفهمكم حاجة عن الراجل اللي أنتم مش شايفين حالته بسبب الحادثة دي.. الله يرحم الشخص اللي مات» واختتم حديثه موجها رسالة إلى مستخدمي السوشيال ميديا :«الناس اللي على النت طالعين بس عاملين ينتقدوا فيه ومحدش مهتم يدعى للراجل.. ده اسمه استغلال وتريند أبوس أيديكم يا تعزوا الناس لتسكتوا أفضل».

ويذكر أنه تم إصدار قرار من جهات التحقيق بضبط وإحضار عصام صاصا في تهمة دهس لشاب على الطريق الدائري في حادث سير بعد أن اثبتت إيجابية تعاطيه للمواد المخدرة أثناء قيادته لسيارته.