الأربعاء، 04 أغسطس 2021 - 08:03 م

كان مشتت.. كان مفتت 
زي علبة تونة غامقة درجة تالتة
بس ثقته ف نفسه عالية
تملى شايف نفسه فلتة 
دخلت حياته واحدة 
قلبت حياته درجة أولى
قطعة واحدة

واحدة واحدة والأمور بدأت تبان
قمّة العقل اللى بعديها الجنان
وبإيه يفيد الفهم بعد ما يفوت الأوان 

راح يصالحها وقال يمكن بتمرّ أزمة
عبّر لها عن حُبُه ف عملت مش مهتمة
العلاقات مبقتش تطمّن... علاقات سامّة
والزوجات مجانين.. والقتل يحب اللمّة