الجمعة، 14 يناير 2022 - 06:15 م

اتكلم وعبر وقول كل اللي في نفسك معندناش مشكلة.. بس لازم الأول تكون فاهم وملم بالموضوعات اللي بتتكلم فيها.. اسأل واستفسر ووجه النصيحة.. بس الأول تكون عارف بتسأل عَلِى أيه وبتدى النصيحة لمين والأهم تكون بتعمل بيها الأول.. 

المُحنك أو المُنظر هو شخص انتشر خلال الفترة الحالية بشكل كبير.. تلاقيه موجود عَلِى السوشيال ميديا أو في المؤتمرات أو التجمعات.. يتصنع الفهم في كل الموضوعات ويوزع النصائح هنا وهناك ويلعب دور الناصح الأمين للجميع.. 

العيب مش في النصيحة أبدا.. العيب في اللي بيمارس هواية التدخل في الشئون بحجة أنه بيقول نصيحة.. العيب أنك تلاقي اللي بينصحك هو أول واحد ما استفدتش من النصيحة.. العيب في المُنظر والمُحنك اللي أوقات كتيره مش فاهم الحياة يتمشي إزاي ولا البيوت أصحابها عايشين إزاي ولا بيدوروها إزاي..

العيب إنك تكون تعبان وشقيان علشان تشتري عربية عَلِى قد إمكانياتك وتلاقى محنك يقولك مجبتش أغلى منها ليه..

العيب إن أم تكون بتجري علشان تساعد أولادها وتوفر لهم مستوى حياة كويس تلاقي مُحنك يقولها "ما تقعدي في البيت".

الخُلاصة: "مش لازم تكون مُحنك علشان تدى النصيحة"