الجمعة، 21 يوليه 2023 - 04:18 م

أنا طول عمرى متغرب

بلاد بتحط

بلاد تانى كمان بتشيل

وقلبى حزين

نفخت الناى

لا فرحنى ولا بكى

تتوه خطاوينا فى السكه

لا بتليل وآه يا عين

وتتمرجح بنات أفكار

حكايه من زمن عدى

ساعات بتطول السكه

ساعات بتقصر المسافات

آهين يا آهات

بيوت تحدفنا وسط شطوط

لبحر غريق

تعلمنا وتجرحنا

تطوحنا تمرجحنا

وبكره يفوت

حكاوى تموت وتوجعنا

يعود الناى يسمعنا

آهات ودموع

يطفي شموع

وحلمي مات مع الفرحه

وتتلخبط مشاويرنا

يمين وشمال

أعيد القول من الأول

ألاقى الفكره تخبطنى

وفوق الراس بتتسلطن وتوجعنى

تسمعني لأنفاسي اللى مكتومه