بوابة أخبار اليوم

الخميس، 21 سبتمبر 2023 - 02:42 م

قالو أنى خيال مآته

يعنى جسمى محشى قش

وأرتعش وأنشف فى جلدى

فى المطر قال أيه بكش

وأنى خايف م النهار

وأن راسى بتنجنايه

والجزر معمول لى أنف

واللمون معصور فى عينىى

م الجزم بالبس قديم

فوق دماغى راكنه عمه

وشال لئيم

وأنى أخرس

والجيوب مليانه طوب

فيها برضه شوق وخوف

فرحى دايماً ما أعرفوش

والودان مابيسمعوش 

وأن قلبى بداله خصه

مستحيل يوم راح يدق

وأنى ما أقراش الجرايد

ولا بقعد ع القهاوى

وأما يوم الشمس تحممى

أنى يعنى ما  أحسهاش

وأن أيدى عاجزه تبنى

وأنى ما بشوفش المرايا

وأنى جاهل للحقيقه

وأن راسى خالى مخ

مختصر  أنى جبان

وأن لو جاه الطوفان

ولدى يبقى تحت رجلى

رغم أنى عشقت ولدى

وأغلى منه ولد ولدى

وأنى شايله ع الكتاف

وأنى عمرى فى يوم ما أخاف

حتى أحلامى العبيطه

ننكتب لو حتى ظيطه

وأن آخر الزمرطيته

واللى فات من عمرى عبره

ولا كنت فى يوم عبيط

واللى منى يوم يقرب

يندفن أنا بير غويط