صفوت ناصف

الأربعاء، 27 سبتمبر 2023 - 08:57 ص

«بغباغينو » قصيدة للشاعر غريب الشعراوي

 بغباغينو        بغباغينها

 عمره  ما  يقدر    يهينها

 اللي  لابسه  توب    كرامه

 والوسامه   نور   جبينها

 .........

 بغباغينو    بغباغينكوا

 ال   بصوته   جاي   يعينكوا

 وهو  بيقلد     جواري

 وبحروفه   جاي   يدينكوا

 .........

 جاي   يدين    الرأسمالي

 اللي  سارق  كل    ما  لي

 واللي  ساكن  مش   جواري

 قصره غالي  وبرجه  عالي              

 .........

 جاي  يدين   الجيب  و صاحبه

 والمفلس  مين  يصاحبه

 واللي  خايف  م  الضواري

 جوه  غابه   الديب فرح  به

 .........

 بغباغينو  و  بغباغينك ِ

 يا  اللي تايها    من  سنينك

 لسه      هايمه   في البراري

 والا  ( بيت  ابليس )   يعينك

 ........

 بغباغينو    و   بغباغينك

 يا  اللي  بايع   كل  دينك

 للدواعش   في  المجاري

 و  بدولاروا   مفجرينك

 .......

 والدولار    مدهون   ماسونيا

 لابن  عازر  وابن سونيا

 و  في  فحيحه  سم  هاري

 و  هاري  بوتر لون  مادونيا

 ........

 بغباغينو    بصوت   احادي 

 صوته  مبهج  للاعادي

 حرفه     مزعج  طول  نهاري

    للي  شعره   صوت  بلادي  

 ........

 بغباغينو     جوه  صوتك 

   جوه  همسك  و في  سكوتك

 وان  خرس  في الصوت  حماري

   راح   تموت  في  نهيق  تابوتك

 ........

 بغباغينو الناس   تشوفه

 صوت  يردد  نبض جوفه

 لو  يخبي  او  يداري

 راح  يبان  من   صوت حروفه

 ........

 بغباغينو    الكل     سامع

 للي  نازل  م   المدامع

 والدموع  تغزل  حواري

 بين   لساني   وألف  جامع

اقرأ أيضا | « قاهر الجوع ».. قصة قصيرة للكاتب التونسي الهادي نصيرة