الأربعاء، 04 أكتوبر 2023 - 07:56 م

ما إن فتح باب الشقة حتى هرول إليه أولاده في مظاهرة الطلبات المعتادة.. بابا جبت الكتب الخارجية.. بابا جبت اليونيفورم بابا فين الشوكولاتة.

تقف على باب المطبخ يدها في وسطها شكلك نسيت اللبن.

انفجر في الجميع: حرام عليكم أسرق.. أرتشي.. الرحمة.. حاجة حاجة.. ربنا ياخدنى من وشكم عشان ارتاح.. يارب خدنى يارب.

يدخل إلي غرفته كالمعتاد لينهي المعركة من بدايتها.

السلام عليكم

وعليكم السلام.. مين؟

عزرائيل

رد وهو يرتعد مين.. سلم يارب خير

جاي اخذ روحك

ليه بس أنا لسه صغير

انت مش دعيت على نفسك  وقلت ربنا ياخدنى.. كانت ساعة استجابة وربنا استجاب وأمرني.

: بقالي ٢٠ سنة بدعي الاقي شنطة دولارات مصدفتش استجابة ودعواتي على نفسي تصادف.

لا لا انا كنت بهزر زودتها عشان أهرب منهم، مين يربي العيال دي هتفسدهم خدها هي وخلصنا منها.

أخذ يصيح كنت بهزر لا لا

وصل صوته الصالة هجم الجميع على الغرفة في قلق واضطراب

استيقظ على صيحات زوجته وهزهزتها له مالك يا  أبو نرجس سلمتك حصل ايه.

فرك عينيه تحسس من حوله الحمد لله كابوس يا ام نرجس.

صاحت في وجهه يعني لما تشوف تشوف كابوس حتى مش حلم.

 اتنيل واقف الغدا جاهز.