الأربعاء، 18 أكتوبر 2023 - 03:18 ص

الثقافه شيئ خرافي 

في الحكاوي الفهلويه

ع القهاوي شوفته حافي 

المثقف بالهويه 

والهويه كام هياخد 

من مقاله المعيه 

وانت يا صاحبي المشاهد

فين حروفك الطريه 

الحروف في الحلق نامت 

فوق دمانا المستويه  

لو عروق النبض قامت 

جوه طلقة بندقيه

كنا نصحي بجد بدري 

و كنا نحلف بالقضيه

مش في عز الضلمه نجري

من شرازم صهيونيه

يا دموع الشمس فينك 

و فين مداد الإنسانيه

حبر احمر فوق جبينك 

يا مياهنا المعدنيه

القضيه الكل نايم 

فوق مخده مخمليه

و الدولار الزفت عايم

فوق قروشنا المشتهيه 

مشتهيه لأكل طازه  

من لحوم الغزاويه

و الحيتان الضخمه ماذا ؟

لو سابتنا في البريه

الف حسره وميت ندامه

ع البيوت المقدسيه

حلمنا اخر وسامه

خلف اخر مشربيه

اقرأ أيضا | «وضوح» قصيدة للشاعر عبد الرحيم الماسخ