صفوت ناصف

السبت، 29 يوليه 2023 - 05:52 م

قالوا  اكتب  ما كتبت

قالوا أسكت  ما   سكت

بس نسيوا ان في لساني

حرف كاتب  ما  انهزمت

......

 

وقالوا يا ابني لسان

 سيادتك

احنا  شاريينه بدولار

قام  لساني قال عيادتك

ملكي وحدي و

 مش إيجار

.....

 

يعني حرفين  من لساني

راح يهدوا ١٠٠  جدار

روح وشوفلك  حد تاني

يقلب    الجد       لهزار

....

 

انت صاحبي

 و روح   كياني

وانت  اجمل م الورود

بس  حاسب  من لساني

طلقته      زي     البارود

.....

 

فأوعي  تنسي

انك ياصاحبي

حد غيري في الحروف

لما حرف الحق يحبي

لم نفسك  م  الكسوف

.....

ألف ميت مليون خساره

لما حرفك راح     بلاش

 الشطاره  في   التجاره

حرف صادق كاش

 و كاش

.....

 

نفسي يا ابن الناس

 تراجع

حرف  تتملاه   هناك

ليه بتجري وانت راجع

قول لي يا  ابني

مين     وراك

.....

 

الخلاصه   من   كلامي

فيه فواصل فيه حدود

شوف مقامك من مقامي

شوك بيحمي في الورود

.....

 

يا حروف الصدق  فينك

و فين ضمير     الطيبين

خايفه للغشاش    يهينك

و الا  خايفه   م   اللعين

....

 

انتِ  حره  لو    قرارك

من منارك ع   الشطوط

بس شايفك في انحدارك

سطر باهت في الخطوط