بوابة أخبار اليوم

الثلاثاء، 05 ديسمبر 2023 - 11:21 ص

اسمه مكان

أو كافية

والأصل مقهي

تفرق في أيه

كل العذاب بالعربي نكهة

زي أعمى ومش  ضرير

الحقيقة تفرق كتير

ساعي البريد  سلم إيميل

مفادها إشارة للعميل

يهدم جذور

في المكان

ممكن تلاقي

 شتله من أول بذور

مستنياك على كرسي فاضي

شاغله ضلك 

لسه رغم الاحتلال شايف عبور

مع اختلاف الشكل والهيئة

مع احترامي للبشر ضل المكان

حتة منك ها تناديك

ولو فضلت زمن أسير 

هتدرك يعني أيه

 لسه حي حِس أنثي

الأرض لو شاخت رحم ما ينسى

 قد أيه إحساس الحنين

وكل يوم يجي جنين العهد باقي

رافض يقيم سرادق و معزى

ساعتها تقوم  الشمس وترد الشيش

تدفع شوقك الجاي بقشيش

شجر المشمش طرح كل المواسم

وغصن الزيتون مرضيش

 ينبت تاني في أي المكان

ولم الشرق حكايات الغروب ناقلة

وثبت الكادر واتغطى بشاع ثاقب

في روح بتوجه العدسه

و جفون طبعت علي   كاميرا

قادتها ...

 (شرين أبو عاقلة )