الثلاثاء، 19 ديسمبر 2023 - 03:01 م

بتاخدك قسمة الأشياء.

بلا جدوى

فتقنع قلبك المشغول

برحلة بعيدة لبلاد اللقا بالروح .

هناك تسمع بكا المراجيح.

وقدر سعادة الواقف

يهز الريح

وهز الدنيا للدنيا

فى عقد النور

أرد الباب

فتملانى الشوارع حكي..

كأن الضحكة ف الدنيا.

ونيس مقسوم 

م بين الفاضى والمنسى.

وصوت البوم

اكلم ضلك الواقف

ف ركن الحيط

والم ف صورة مكسورة

قزاز الكدر

فتفركنى الحياه تفاصيل.

ف مولد بنت تحدفنى

الحدود ألوان

الم العمر وارجعلك

ف مركب ضى

كأن العمر ف الصورة

بيمسك سطر كان باهت.

ويرمى بكارة المشهد

ف شهقة بنت بتغنى

وصوت مكتوم بيندهها

ف آخر الحلم.

إقرأ أيضاً : فاطِمَـة ناعـُوت تكتب .. زيارة أول الشهر